रूमी 9:19 - Korwa Bible

¹⁹ दो अपे अते तोनोंगीग ईंग एचेरेय कतायता, “भगवान जमाकून अनँयग ओंगोल इयाय एचेयता दो अबू चिला लगाय बदीबूता अरू इये हाँयराः ओंगोल अते एटाः इयाय सलाव अवेनता?”

रूमी 9:19 Referans Kwoze

1 कुरिंती 15:35

अपे अते तोनोंगीग होड़ होंबरेता, “गोएगतो होड़कू करा इयाकू जियाव रिमुःता? अरू करा इयाःआ देहरेकू वेगता?”

1 कुरिंती 15:12

भगवान ईसू मसीय जियाव रेमकेरा माःआनले परसारतेरा अरू हनानाः सरवनपे बिसवासकेरा। दो अपे अते तोनोंग तोनोंग होड़कू करा इयाकू कता अवेयता, गोएगतो होड़कू मेरकू जियाव रिमुःता, माःआन?

मरकूस 14:21

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता, हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

एकूब 1:13

तोनोंगाः गारबार एचे लगा तोनोंगीग होड़ भगवान ओरोय अंदजाव अवेतिरिया। अरू भगवान तोनोंगीग होड़ तोनोंगाः गारबार एचे लगा ओरोय अंदजावतिरिया। हनालगा तोनोंगीग होड़ तोनोंगाः गारबार एचे लगा अंदजावरेय पराःतान दो हाँय अलोय ओंगले, भगवान ईंगे अंदजावगींगतना, माःआन।

रूमी 11:19

दो अपे कतायता, “अले तोल जोड़ाव लगा भगवान हना डइड़ इया हँकूय तपेग एंडागोतेडकुःआ।”

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

एकूब 2:18

तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।