17 भगवानराः कागदरे भगवान मिसिरी राजा पिरोन एचेरेय कतायतना, “ईंग आम राजायिंग बड़ाँवकेडमेःआ, अरू ईंगराः जंगर आमिंग उदुःवारा जेमहा चउंदीसरिकुःआ जमा होड़कू ईंग जाग घड़ीनकू मान मरजइतगिंग।”
ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।
मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।
मनदो नियमकून कागदरे चेले माःआन ओजाःतो इदा? अजइततो अइमीरीग बेटात सुदा बेगारी अइमीरीग बेटात इताडदार ओरोय बड़ाँवनेना। हनालगा बेगारी होड़ अरू आँयगरीग बेटात उडुंगगोडकिनपे।
मड़ंग जूग वरीते भगवानराः कागदरे नाःआ इया ओजाःतो इदा, बेगर एहूदाकू भगवान एचेरेकू बिसवासगे अते, कसूर अते फड़ियावतो होड़कूय बड़ाँवकूता। अरू भगवान नाःआ सरवन इबराहीम एचेरेय कतातेरा, “आम अते चउंदीसरिकुःआ जमा जइत होड़कू नपाय जीव-जहनतेकू दोहोनता।”
मनदो भगवान हाँय एचेरे चेले माःआने कता कुदातेरा, “ईंग इनिंग लगा सात हजार होड़कूयिंग बनसावकेडकुःआ। हँकू बाःअल देवताराः मुरती मेरकू सेवायतना।”