रूमी 8:36 - Korwa Bible

³⁶ भगवानराः कागदरे ओजाःतो इदा, “अले आमरिकुःआ होड़कू होयाकियानते सगर दिन गुजुः दूररेले सेने पारतना; अरू पुजा ञेड एंडा लगाकू गोःकूता हँकुःआ भेड़ाकू इया इदानलेःआ।”

रूमी 8:36 Referans Kwoze

1 कुरिंती 15:30

भगवान गोएगतो होड़कू मेरेय जियाव रेमकेकुः दो अले जमा बेला चिला लगा कटसियाले सहावकेःआ?

1 कुरिंती 4:9

ईंगराः ओंगोलरे, अले ईसूरिकुःआ मूक चेलाकू, गुजुःराः डंड पवाः लगा साब गोःतोकू दोहोनता हँननकुःआ होड़कू इया जमा होड़कू मड़ंगरे भगवान एचे चड़ाँकेडलेःआ। अरू सेरमो देसरिकुःआ बराहीलकू अरू नाःआ चउंदीसरिकुःआ होड़कू हों अलेकू ञेलता।

मूक चेलाकू 8:32

दो हाँयग मरंग हातपात होड़ भगवानराः कागद अते ननाः पाठे बछाःआ; हाँय पुजागे लगाकू गोःगेयता हाँयग भेड़ा इयाकू इदीतिरिया। अरू हाँय ऊबकू ईर उडुंगता हँकुःआ होड़कू मड़ंगरे कलेकाले दोहोनता हाँयग भेड़ा होन इया हाँय हों कलेकाले दोहोना।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

1 कुरिंती 15:31

ने अजी बोपोहकूतिंग, ईंग सगर दिन गुजुःराः दूररेयिंग सेने पारता। मनदो ईंगते अपे परबू ईसू मसीरेपे बिसवासकेरा। हनालगा अपे बदीरे ईंग बहालतेयिंग बड़वारता।

2 कुरिंती 1:9

अलिंग ओंगोलबाःकातेरा, अलंग ओनोरोलंग बनसावनेना, माःआन। अलिंग अँननलिंग एचेरे कोवान, मनदो गोएगतो होड़कूय जियाव रेमकूता हाँयग भगवान एचेरेलिंग भरसा ञवन लगा नाःआ इया अलिंग जीवरे होनोयायना।

2 कुरिंती 6:9

अनसिनहार होड़कू इया इदानलेःआ हों जगल इदानलेःआ, गोएगतो इया इदानलेःआ मनदो जिनियत इदानलेःआ, ञेडतेला होड़कू इदानलेःआ मनदो ञेड एंडात कोवालेःआ।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

पिलिपी 3:10

ईसू मसी जमालेःआते सुदीगेय लगायिंग चहाःतना। ईसू मसी गोएगतो अते भगवान जियाव रेमतिरिया हना जंगर अटकारगे लगा हों ईंग चहाःतना। अरू ईसू मसी करा इया कटसिया सहावतेडखने गोएगनेना हन, ईंग हों बुझावकियानखन अटकारगे लगायिंग चहाःतना,