रूमी 8:26 - Korwa Bible

²⁶ हनन इया सुद बिरुवा अबूय संघरावाबूता। अबू अबड़ इदानबुःआ, हनालगा अबू करा उड़ी अरजीगे लगा इदा हना मेरबू सुदी तजाः अवेयतना। हना कताकून सुद बिरुवा केहराः घड़ीन अरजीगे लगा अबूय संघरावाबूता।

रूमी 8:26 Referans Kwoze

मती ओजाःतेरा भगवानराः नपाय सरवन 10:20

नाःआ कता अपे उहियार दोहोका, अपे अँननपे मेरपे बुतुड़ुता। मनदो अपेरीग अपांग भगवानराः बिरुवा, अपे कता लगा इदा हना कता अपे जीवरेय उदुःवापेता।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

गलातिया 4:6

नुँहू अबू भगवानरिकुःआ लइंकूबू बड़ाँवयना अते, हाँय अनँयग बेटातराः बिरुवा अबू जीवरेय वारकेरा। हनाँय बिरुवाते अबू हाँय, ने अबबा, ने अपांग, माःआन चइड़ घड़ीनबू राः अवेयता।

एहुना 14:16

अरू ईंग अपांग एचेरेयिंग अरजीगेता अरू हाँय अपे लगा अरू एटाःयीग संघरादारे वारता। हाँय अपे कहियो ओरोय अड़ाःतेडपेःआ।

इपीसी 2:18

दो नुँहू अबू जमाकू मिनीटोंग सुद बिरुवाते अपांग भगवान एचेरेबू सोदोर अवेनता।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,

एकूब 4:3

अरू अपे भगवान एचेरे असेय मेला बेलूर बेलूर ओंगोल दोहोकियानखनपे असेयता। अपे चहाःता हना अपे अँननपे अपेराः हिछा इया उपयोतगे लगापे ओंगलेतना। हनालगा अपे असेयता हना भगवान अपे लगा मेरेय एमेयता।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

लूका 22:44

ईसूराः जीव अगम सिकिसतारे परावनेना अरू हाँय कुहकाः घड़ीने अरजीःआ। अरू हाँयराः उगार दाः, बडे बडे बलंगी इया उडुंगगुः घड़ीन जोरोःआ।

2 कुरिंती 5:4

अरू अबू नाःआ कुंबा इयाःआ देहरे इदानबू मेला कुहकाः घड़ीन बोझारे इदानबुःआ। नाःआ देह अबू अअटू लगा मेरबू चहाःता, मनदो सेरमो देसराः देह पवाः लगाबू चहाःतना, जेमहा गुजुः इयाःआ देह ओरो टुटीगनेना हना देहते बदलाव जुवाः।

2 कुरिंती 5:2

दो अबू नाःआ देहरेबू दोहोन मेला सेरमो देसराः देह पवाः लगा उसाडगुः घड़ीनबू कुहकावगोड ञवनता।

मती ओजाःतेरा भगवानराः नपाय सरवन 20:22

दो ईसू हँकिनाः चेलाकिनतेने कतावातेड, “अबा मेरबा सुसुदीतना अबा चिलाबा असेतना। ईंगके ञूय लगा इदा हना कटसियाराः डुबहातेबा ञू अवेयता जा?” दो हँकिन कतातेड, “अलिंग ञू अवेयता।”

इबरानी 5:2

हाँय अनँयग अबड़ाव जीव-जहने दोहोनता। हनालगा बेगर कनहूनदारकू अरू बहकावतो होड़कू सुदा हाँयराः लूर नेवन सुधिया दोहोनता।

रूमी 7:24

ओहरे, दइया! ईंग अनाडतो होड़ इदानिंगा। दो नाःआ गुजुः इया देहते इये ईंगे सडावगींगता?