रूमी 8:25 - Korwa Bible

²⁵ मनदो नुँहू अबू एचेरे कोवानेःआ, हनानाः लगाबू असराता दो, हन अरीनबू पवाः वरी सहाव घड़ीनबू तंगीगोड ञवनतना।

रूमी 8:25 Referans Kwoze

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

लूका 21:19

कटसिया सहाव घड़ीन अपेराः जीवपे बनसाव दोहोगोडता।

2 तिसलूनिका 3:5

भगवान करा इया अबूय दुलारकेरा अरू ईसू मसी करा इया कटसियाय सहावतेरा हना अगी अपेराः जीवे अगुवाइवापे लगाले अरजीतना।

रूमी 8:23

जमा सकालाः एकला कोवान मनदो अबू हों इंदरीरेबू केहराव ञवनतना। भगवान अबू एमेवा लगाय जबानतेरा हना जबानराः चिनहा इया आँयगराः सुद बिरुवाय एमेवाडबुःआ। अरू भगवान अनँयग लइंकू इया जमालेःआ समुटावकेडबूखन बेगर कसूरतो नँवा देहे एमेवाबूता। हनानाः दिन लगाबू टकागोड ञवनतना।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

उदुःतो कताकून 13:10

बिसवास बदीरे सींगगेय लगा इदानिया, हाँयग होड़ सिनिंगगुःता। अरू बिसवास बदीरे तलवइरते ञेड एंडागेय लगा इदानिया हाँयग होड़ तनलवइरतेय ञेड एंडनता। हनालगा नाःआ जमाकून होयाः हों भगवानरिकुःआ सुद होड़कू सहाव घड़ीन बिसवासगोड ञवन लगा इदा।”

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।