रूमी 8:24 - Korwa Bible

²⁴ भगवान अबूय सडावकेडबुःआ। हनालगा नुँहू अबू जीवरे असरा इदा। तोनोंगाः जिनिस अबू एचेरे इदान दो हनानाः जिनिस लगा अबू असरागे लगा कोवानेःआ।

रूमी 8:24 Referans Kwoze

इबरानी 11:1

अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

2 कुरिंती 5:7

नुँहू अले ञेनेल मेड मेरले सलाःतना, मनदो अले बिनिसवासकेडखनले सलाःतना।

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

गलातिया 5:5

मनदो अबू ईसू मसी एचेरे बिसवासकेडखन भगवानराः ओंगोलरे बेगर गारबार होड़कू बड़ाँः लगा सुद बिरुवाराः संघराते मिनी जीवतेबू अनसरागोड ञवनतना।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

1 कुरिंती 13:13

दो अबू बिसवासगेता, अरूबू असरागेता, अरूबू दुलारता, नाःआ पेनेय मेनेर टगाःता। मनदो नाःआ पेनेय अते मनइद मरंग एटाःकू दुलारता हना हवे।

रूमी 4:18

भगवान इबराहीम एचेरेय कतातेरा, “आमरिकुःआ नइड़-बाँस होड़कू तोनोंगीग ओरोकू गँड़ाव अवेतेडकुःआ, हनामिनकू बगरा जुवाःता।” हनमेला हाँय एचेरे असरागे लगा कहिसाः मेर दोहोगान। हनते हों इबराहीम भगवान एचेरे असरानेनखने बिसवासतेरा।

रूमी 8:20

हाँय जेहो सकालाःए तुलाकेरा हना जमा आडयना। अरू हना जमा अननते मेर आडगना, मनदो भगवान हनन इया होया लगाय ओवाडा।

तितूस 3:7

अरू मयावाडबूखन बेगर गारबार होड़कूय बड़ाँवकेडबुःआ, जेमहा ओरो टुटीगनेना हना जीवराः असरा इया इतडदारकूबू बड़ाँः।