रूमी 8:19 - Korwa Bible

¹⁹ भगवान अनँयगरिकुःआ होड़कूय मान मरजइतता हनानाः दिन लगा अबू मनुवाकू एकला कोवान, मनदो भगवान जेहो सकालाःए तुलाकेरा हना जनामा उंभराव घड़ीन दोहोनतना।

रूमी 8:19 Referans Kwoze

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

रूमी 8:23

जमा सकालाः एकला कोवान मनदो अबू हों इंदरीरेबू केहराव ञवनतना। भगवान अबू एमेवा लगाय जबानतेरा हना जबानराः चिनहा इया आँयगराः सुद बिरुवाय एमेवाडबुःआ। अरू भगवान अनँयग लइंकू इया जमालेःआ समुटावकेडबूखन बेगर कसूरतो नँवा देहे एमेवाबूता। हनानाः दिन लगाबू टकागोड ञवनतना।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

मती ओजाःतेरा भगवानराः नपाय सरवन 5:9

होड़कूकू एचे सलाहता, हँकुःआ होड़कूराः जीव भगवान भलावाडखने नपायगेयता, अरू हाँय हँकुःआ होड़कू, ईंगरिकुःआ लइंकू माःआने कतावाकूता।

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

रूमी 8:14

सुद बिरुवा अगुवाइकूता हँननकुःआ होड़कू भगवानरिकुःआ लइंकू हवे।

रूमी 8:16

अरू हनाँयग सुद बिरुवा अबूय एचे सुदीबूता, अबू भगवानरिकुःआ लइंकू हवे, माःआन।

रूमी 8:18

ईंग सुदीबाःगोतेडिंग, अबू तयोमरे भगवान एचेरेबू पवाःता हना मान मरजइत अते नुँहूबू सहाव पारता हना कटसिया तोहोड घाव मिन हों कोवानेःआ।

रूमी 9:26

अरू, “अपे ईंगरिकुःआ होड़कू ना लवे, माःआने कता उदुःतेरा हँकुःआ होड़कूकू राःकूता, अपे जीयत भगवानरिकुःआ लइंकू हवे, माःआन।”

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

2 कुरिंती 6:18

अरू, “ईंग अपेरीग अपांगिंग होयाःता, अरू अपे ईंगरिकुःआ बेटा बिटीकूपे होयाःता।” नाःआ अगम जंगरदार परबू भगवानराः सरवन हवे।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

कुलूसी 3:4

ईसू मसी अबूराः जीव हवे, अरू हाँय अनँयग एचे ञिलुः मेला, अपे हों हाँय सुदापे ञिलुःता अरू हाँय सुदा मान मरजइतपे पवाःता।

इबरानी 12:27

अरू मी तुरहा माःआने कताकेरा हना ननानाः उदुःता, झिकोड़ जुवाःता हना तुलात जिनिसकून टगाव एंडा जुवाःता, जेमहा मेर झिकोड़ अवेनता हना जिनिसकून दोनोहो जुवाः।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।

उदुःतो कताकून 21:7

जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।