रूमी 7:18 - Korwa Bible

¹⁸ ईंग जीवरे तोनोंगाः नपाय कोवानेःआ अरू ईंगराः लूर-नेवन बेनेलूरयना। दो हना अते ईंग नपाय एएचे लगायिंग चहाःतना, हना ओनोरिंग एचे अवेतेरा।

रूमी 7:18 Referans Kwoze

एहुना 3:6

चउंदीसरे मी होड़ अनँयग एंगात अपाततेय जनमाःता मनदो भगवानराः सुद बिरुवातेय जनमाःता हाँयग होड़ भगवानरीग होड़े बड़ाँःता।

गलातिया 5:17

अबू जीवराः बेलूर ओंगोल अरू सुद बिरुवाराः ओंगोल, नाःआ बनर कहियो खाप मेर जोमता। हनालगा अबू नपाय ओंगोलते जियाः लगाबू चहाःता, हना अबू मेरबू एचे अवेयता।

रूमी 7:25

हाव, अबूरीग परबू ईसू मसीते भगवान ईंगे सडावकिडिंगा। हनालगा ईंग भगवानिंग जागगेयता। दो ईंग इनिंगराः ओंगोलते भगवानराः नियम इया सलाः लगायिंग ओंगलेतना, मनदो ईंग बेलूर नेवन इयायिंग कनासूरगोड ञवनतना।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

रूमी 7:19

नपाय लूर-नेवन इया एचेय लगायिंग ओंगलेतना, हनानाः ईंग मेरिंग एचे अवेयतना। मनदो ईंग जीवरे बेनेलूराः लूर-नेवन इदा, हनानाःतोयिंग एचेगोड ञवनतना।

रूमी 7:15

ईंग मेरिंग सुदीयतना ईंग चिलायिंग एचेयतना। नपाय एएचे लगा ईंग ओंगलेतना, हना ईंग मेरिंग एचे अवेयतना। मनदो ईंग एरंगवाता, हनानाःयिंग एचेगोड ञवनतना।

मती ओजाःतेरा भगवानराः नपाय सरवन 15:19

मी होड़ होड़राः इनिंदरीते बेलूर ओंगोल, ञेड गोजेय, सनहा-सनही, जपाल होड़ेंग, इनिग, लबरा हिदइत अरू ओपता बड़रा इयाःआ बेलूर कताकून उडुंगगुःता।

1 पतरस 4:2

अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

पिलिपी 3:12

ईंग नाःआ जमाकूनिंग पवावयान सहे जमालेःआते नपाय इदानिंगा माःआन मेरिंग कतायतना। मनदो ईसू मसी ईंगे साबकेरा हनानाः ओंगोल पुरावगे लगायिंग मिहिनइतगेतना।

लूका 11:13

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपे अते अगम नपाय अपेरीग सेरमो देसरीग अपांग एचेरे सुद बिरुवापे असेय दो, अपे लगा चिला लगा मेरेय एमेकेःआ?”

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

रूमी 7:5

मड़ंगरे अबू कसूर लूर-नेवनतेबू जियाःआ। नियम अहाबू एचे लगा उदुःवाबुःआ, हनानाः एचेगोड ञवन लगाबू चहाःआ। नाःआ अते अबू अरू बगराबू कसूरतेडखन गुजुःबू पवाःता।