रूमी 7:13 - Korwa Bible

¹³ नाःआ इया इदान दो, नपाय नियमते ईंग गोएगतो इयायिंग बड़ाँवयना जा? बुरी! ईंग जीवराः कसूर लूर-नेवनते नपाय नियम उपयोत घड़ीन गोएगतो होड़िंग बड़ाँवगोतेडा। हनानाः अते कसूर कनासूर हवे माःआन उदुःवाडबुःआ। अरू नियमतेबू सुदीगोतेड, अबूराः कसूर लूर-नेवन तुमिनाः बेनेलूर हवे, माःआन।

रूमी 7:13 Referans Kwoze

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,

मती ओजाःतेरा भगवानराः नपाय सरवन 28:8

दो हँकिनाः अइमीकिन ओहेन हना लात मड़गट अते बोर अरू मुरुक बहालतेकिन कुदायान अरू चेलाकू एचेरे कता उदुःगे लगाकिन बतकाव सेनेडा।

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”