रूमी 6:3 - Korwa Bible

³ नाःआ कता अपे लिड़िंगोतेडापे जा, अबू बतिसमा गोःतेडखन ईसू मसी सुदाबू मिनीयना, दो अउल-तउल इया अबू हों हाँय सुदाबू गोएगयना।

रूमी 6:3 Referans Kwoze

गलातिया 3:27

अरू अपे बतिसमाते ईसू मसी सुदापे मिनीयना अरू नँवा सोनहेपे तुसिंगतान इया अपेराः लूर-नेवन ईसू मसीराः इया होयायना।

रूमी 6:8

अबू ईसू मसी सुदाबू गोएगकियान दो अबू बिसवासगेतना, अबू हों हाँय सुदा जिनियतबू दोहोनता।

1 कुरिंती 12:13

अबू अते तोनोंग तोनोंग होड़कू एहूदाकू हवे अरू तोनोंग तोनोंग होड़कू बेगर एहूदाकू हवे। अबू अते तोनोंग तोनोंग होड़कू बेगारी होड़कू इदानकुःआ अरू तोनोंग तोनोंग होड़कू बेगारी होड़कू कोवाकुःआ। मनदो भगवान सुद बिरुवाते अबू जमाकू बतिसमाय एमेवाडबुःआ अरू मसीराः देहराः एटाः एटाः दगलीकूने बड़ाँवकेडबुःआ। नुँहू भगवान अबू जमाकू जीवरे हनानाः बिरुवाय एमेकेरा।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

मती ओजाःतेरा भगवानराः नपाय सरवन 28:19

हनालगा अपे जमा जइत होड़कू एचेरे सेनेकियानखन ईंगरिकुःआ चेलाकूपे बड़ाँव अरू हँकू अपात अरू बेटात अरू सुद बिरुवाराः ञावते बतिसमापे एमेवाकू।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

1 कुरिंती 9:13

अपे मेरपे सुसुदीतना जा, भगवानराः ओड़ाःरेकू सेवाता हँकुःआ होड़कू हनानाःतेकू जोमता, अरू धामरे बलिदानकू देगता हँकुःआ होड़कू हनानाः बलीदानतेकू जोमता?

रूमी 7:1

दो ईंगरिकुःआ अजी बोपोहकूतिंग, अपे मोसेसराः नियमकूनपे सुसुदीतना। हनालगा अपे एचेरेयिंग कतायतना, तोनोंगीग होड़ जीयते दोहोन, हना वरी हाँय नियमकून इया सलाः पराःता।

रूमी 6:16

अपे मेरपे सुदीयतना जा, तोनोंगीग होड़ मी होड़रीग बेगारी होड़े बड़ाँव जुवाःता, दो हाँय आँयगरीग मालिकराः जमा कताकून मनाः पराःता? हनन इया कसूर बदीरे हों होयाःता। अपे कसूरगे लगा अँननपेराः जीवपे जिमागोड, दो अपे गोएग जुवाःता। मनदो भगवानराः ओंगोल इया सलाः लगा अँननपेराः जीवपे जिमागोड दो, अपे बेगर गारबार होड़कूपे बड़ाँव जुवाःता।

मूक चेलाकू 19:5

नाःआ कता अयूमकेडखन हँकुःआ होड़कू ईसूराः ञावरे बतिसमाकू गोःतेरा।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

मूक चेलाकू 8:16

हनालगा हँकिन हंडाकिन सोदोरनेना दो हंडाकुःआ होड़कू भगवानराः सुद बिरुवा पवाः लगाकिन अरजीतेरा।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

1 कुरिंती 15:29

अपे अते अदोम होड़कू गोएगतो होड़कू लगापे बतिसमानता। नाःआ अते अपेके चिला नफा होयाःता? गोएगतो होड़कू भगवान ओरोय जियाव रेमतेडकुःआ दो, अपे हँकू लगा चिला लगापे बतिसमानता?

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

1 कुरिंती 9:24

अपे मेरपे सुसुदीतना जा, इमान पवाः लगा बतकाः होड़कू जमाकू बतकाःता, मनदो मिनी होड़ इमाने पवाःता? दो अपे जिताःराः ओंगोलरेपे बतकाः।

1 कुरिंती 10:2

दो हँकू अउल-तउल इया बदरी अरू समुंदरते बतिसमाकू गोःतेरा अरू मोसेसरिकुःआ चेलाकूकू बड़ाँवनेना।