रूमी 6:22 - Korwa Bible

²² मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

रूमी 6:22 Referans Kwoze

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

रूमी 6:18

अपे कसूर जीव जियाः लगापे अड़ाः एंडागोतेडा अरू बेगर गारबार जीव जियाः लगापे जिमायना।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

एहुना 8:32

अपे सतायपे सुदी दो हना सताय अपे अजइतपेता।”

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

1 कुरिंती 7:22

परबू तोनोंगीगे राःतेरा हनमेला हाँय बेगारी होड़े दोहोना हों, हाँय परबूरीग अजइततो होड़ हवे। हनन इया अजइते दोहोना हनमेला परबू राःकिरिया हाँयग होड़ मसीरीग बेगारी होड़ हवे।

1 पतरस 1:9

अपे हाँय एचेरेपे बिसवासकेड अते अपेराः जीव सडावयना। हनालगा अपेराः जीवरे नाःआ बहाल इदा।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

रूमी 6:14

अपे नियम इयापे सलाःआ हना अते भगवान अपे मेरेय सडावगाडपेःआ, मनदो हाँय अपेय मयावाडपेखने सडावकेडपेःआ। हनालगा अपे अँननपेराः जीव, बेलूराः कसूर ओंगोल इया अलोपे सलाव ओवा।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

रूमी 7:4

ईंगरिकुःआ अजी बोपोहकूतिंग, हनन इया अबू ईसू मसी सुदाबू गोएगनेना। हनालगा नुँहू अपे भगवान ननायगे लगा मोसेस एमेकेरा हना मड़ंगाः नियमकूनराः बोझारे कोवापेःआ। ईसू गोएगतो होड़कू अते भगवान जियाव रेमकिरिया, जेमहा अबू हाँय लगा नपाय बुताबू बुता अवेय। अरू नुँहू अबू नाँयग ईसूरिकुःआ होड़कू हवे।

रूमी 6:21

मनदो हनारे अपे जीवरे चिला नफापे पवाःआ? कही कोवान। अपे मड़ंगरेपे एचेया, अरू अपेराः जीव लाय एंडागोडता, हनानाः कताकूनपे उहियारगेतान दो, अपेके गियुः लगाःता।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

पिलिपी 4:17

ईंग बदीरे अपे अहापे ओंगोलगे, नाँय तोनोंगाः संघरा पवाः लगाय चहाःतना, माःआन। मनदो ईंग चहाःतना, अपे ईंगपे संघरावातेरा, हनाते भगवान अपे इमाने एमेवापे।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

इपीसी 5:9

दो मरसल पवावतो होड़कूराः जीवरे जमालेःआते नपाय अरू सताय जोःओकून जोःता।

2 कुरिंती 3:17

परबू दो सुद बिरुवा हवे अरू सुद बिरुवा दोहोनता हंडा होड़कू अजइत जुवाःता।

रूमी 7:25

हाव, अबूरीग परबू ईसू मसीते भगवान ईंगे सडावकिडिंगा। हनालगा ईंग भगवानिंग जागगेयता। दो ईंग इनिंगराः ओंगोलते भगवानराः नियम इया सलाः लगायिंग ओंगलेतना, मनदो ईंग बेलूर नेवन इयायिंग कनासूरगोड ञवनतना।

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 13:43

मनदो भगवानराः ओंगोलरे बेगर गारबार होड़कू अँनकूरीग अपांग भगवानराः राइजरे बेर इयाकू विड़चेड़ता। अयूम अवेयता हाँयग होड़, नपायतेय अयूम ठुड़ावागे।”

मती ओजाःतेरा भगवानराः नपाय सरवन 13:40

पहाड़राः बीरकून होड़कू गरोम ठुड़ीकेडखनकू बाल लो एंडागोडता, हनन इया चउंदीस टुटीगगुः मेला होयाःता।

उदुःतो कताकून 7:13

हनते मूक होड़कू अते मी होड़ ईंग एचेरेय कतातेरा, “उजड़ सोनहे तुसिंगतो नँकुःआ होड़कू इयेकू हवे? नँकू करा अगीतेकू वेगकिया?”

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।