रूमी 6:16 - Korwa Bible

¹⁶ अपे मेरपे सुदीयतना जा, तोनोंगीग होड़ मी होड़रीग बेगारी होड़े बड़ाँव जुवाःता, दो हाँय आँयगरीग मालिकराः जमा कताकून मनाः पराःता? हनन इया कसूर बदीरे हों होयाःता। अपे कसूरगे लगा अँननपेराः जीवपे जिमागोड, दो अपे गोएग जुवाःता। मनदो भगवानराः ओंगोल इया सलाः लगा अँननपेराः जीवपे जिमागोड दो, अपे बेगर गारबार होड़कूपे बड़ाँव जुवाःता।

रूमी 6:16 Referans Kwoze

एहुना 8:34

दो ईसू कतातेड, “ईंगपे अयूम, कसूरगेता हाँयग होड़ कसूरराः बोझारे बझावतो इदानिया।

2 पतरस 2:19

तोनोंगाः कसूरे कनासूरगोड ञवनता हाँयग होड़, हनानाः कसूरराः बेगारी होड़े बड़ाँव जुवाःता। अरू हँकू एटाःकू अजइतकू लगाकू जबानगेता, मनदो अँननकू हनानाः कसूरराः बोझारे इदानकुःआ।

मती ओजाःतेरा भगवानराः नपाय सरवन 6:24

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

रूमी 6:17

अपे मड़ंगरे कनासूर कसूररेपे दोहोना। मनदो नुँहू अपेकू चेडतेरा हनन इया अपे मिनी जीवकियानखनपे मनाःतना। हनालगा ईंग भगवानिंग धनियाबादगेयतना।

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

1 कुरिंती 6:2

अपे मेरपे सुदीतना जा भगवानरिकुःआ सुद होड़कू चउंदीसरिकुःआ होड़कूकू फड़ियावता? दो अपे चउंदीसरिकुःआ जमा होड़कूपे फड़ियावकू लगा इदा दो गुन लकनाः कड़ीगकून ओरोपे फड़ियाव अवेतेरा जा?

1 कुरिंती 6:3

अपे मेरपे सुसुदीतना जा, अबू सेरमो देसरिकुःआ बराहीलकू हों फड़ियावताबू? ननन इया इदान दो, अपे सेबा सेबाःआ कताकून बदीरे अरू तुमिनपे फड़ियाव अवेयता!

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

1 कुरिंती 9:13

अपे मेरपे सुसुदीतना जा, भगवानराः ओड़ाःरेकू सेवाता हँकुःआ होड़कू हनानाःतेकू जोमता, अरू धामरे बलिदानकू देगता हँकुःआ होड़कू हनानाः बलीदानतेकू जोमता?

1 कुरिंती 9:24

अपे मेरपे सुसुदीतना जा, इमान पवाः लगा बतकाः होड़कू जमाकू बतकाःता, मनदो मिनी होड़ इमाने पवाःता? दो अपे जिताःराः ओंगोलरेपे बतकाः।

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।