रूमी 4:5 - Korwa Bible

⁵ मनदो अपे तोनोंगाः एचेकेडखन भगवान ओरोपे एचे मने अवेतेडिया। भगवान एचेरे कसूर होड़कू बिसवासगेता, अरू हनानाः एकलाते हाँय हँकूय मनेवाता।

रूमी 4:5 Referans Kwoze

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

रूमी 10:3

भगवान करा उड़ी होड़कू बेगर गारबार होड़कूय बड़ाँवकूता, हना हँकू मेरकू सुदीयतना। अरू हँकू अँननकू अँकूते बेगर गारबार होड़कू बड़ाँः लगाकू कुरनिसगेतना। हनते हों हँकू भगवानराः ओंगोल इया बेगर गारबार होड़कू मेरकू बड़ाँव अवेगना।

रूमी 4:24

परबू ईसू गोएगतो होड़कू अते भगवान जियाव रेमकिडिया माःआनबू बिसवासगेता दो, भगवान अबू बेगर गारबार होड़कूय ओंगोल दोहोबाःकाबूता।

रूमी 4:3

भगवानराः कागदरे नाःआ इया ओजाःतो इदा; “इबराहीम भगवान एचेरेय बिसवासतेरा, हनालगा भगवान अनँयग ओंगोलरे हाँय बेगर गारबार होड़े ओंगोलबाःकातेरिया।”

एहुना 6:29

दो ईसू कतावाडकू, “भगवान ईंगे वारकिरिंगा। हनालगा ईंग एचेरेपे बिसवासगे। ननानाः हवे भगवानराः ओंगोल इयाःआ बुता।”

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

मरकूस 9:23

ईसू हाँय एचेरेय कताया, “चिला लगाम होंबरेतना, आम एचे अवेयताम जा कोवान? ईंग एचेरेय बिसवासगेता हाँय लगा जमाकून होनोया जुवाःता।”

रूमी 4:6

दाऊद राजा हों ननन इयाय कतातेरा, तोनोंगीग होड़ भगवान मनेवा लगा तोनोंगाः नपाय बुता मेरेय एचेता हों भगवान हाँय बेगर गारबारीग होड़े कतावायता, दो हनाँयग होड़राः जीव-जहन ननपाय दोहोनता। हाँय भगवानराः कागदरेय ओजाःतेरा,