रूमी 4:18 - Korwa Bible

¹⁸ भगवान इबराहीम एचेरेय कतातेरा, “आमरिकुःआ नइड़-बाँस होड़कू तोनोंगीग ओरोकू गँड़ाव अवेतेडकुःआ, हनामिनकू बगरा जुवाःता।” हनमेला हाँय एचेरे असरागे लगा कहिसाः मेर दोहोगान। हनते हों इबराहीम भगवान एचेरे असरानेनखने बिसवासतेरा।

रूमी 4:18 Referans Kwoze

रूमी 8:24

भगवान अबूय सडावकेडबुःआ। हनालगा नुँहू अबू जीवरे असरा इदा। तोनोंगाः जिनिस अबू एचेरे इदान दो हनानाः जिनिस लगा अबू असरागे लगा कोवानेःआ।

रूमी 5:5

भगवान अनँयगराः सुद बिरुवा अबू लगाय एमेकेरा अरू हाँयग सुद बिरुवा अबूराः जीवरे भगवानराः दुलारे पेरेगकेरा। हनालगा अबू असरागेता, हनारे अबूराः जीव मेर हुडिंगगुःता।

मूक चेलाकू 27:25

दो ईंग वपक बोपोहकूतिंग, ईंग भगवान एचेरेयिंग बिसवासगेतना, ईंग एचेरे सेरमो देसरीग बराहील कतातेरा हनन इया होयाःता। हनालगा अपे डीड़तेपे दोहोन।

रूमी 4:17

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

लूका 1:18

जकरिया सेरमो देसरीग बराहील एचेरेय होंबोरतेड, “अलिंग डोकरा डुकरीयनालिंग दो, करा उड़ीलिंग सुदीय नाःआ बड़रा सताय हवे, माःआन?”

रूमी 4:19

हनमेला इबराहीमराः उमइर सव बरिस दोहोना। अरू हाँय सुसुदीःआ, ईंग दो लँइग होयाः जुकूर हों कोनोवायिंगा अरू ईंगरीग अइमी सराह हों बहिली इदानिया, माःआन। मनदो हनारे हों हाँय भगवान एचेरे असरा घड़ीने बिनिसवासगोड ञवना।

इबरानी 6:19

भगवान एचेरे इदा अबूराः हना असरा अबू जीव लगा मीटोंग पहटाराः खुंटा इया जबड़ अरू बड़ियाड़ इदा। दो नाःआ असराते मरंग परदाराः मार परोम मुरुक सुद ततेररे भगवानराः मड़ंगरे बोलोत इया इदानबुःआ।