रूमी 3:31 - Korwa Bible

³¹ दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 3:31 Referans Kwoze

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

मती ओजाःतेरा भगवानराः नपाय सरवन 5:17

“भगवानराः नियमकून अरू भगवानराः बड़रा कता होड़कूराः चेडतो लाय एंडागे लगायिंग वेगकिया, माःआन अपे अलोपे ओंगले। मनदो हना जमाकून पुरावगे लगायिंग वेगकिया।

1 कुरिंती 9:21

मोसेसराः नियम मेरकू पवावगना हँकुःआ होड़कू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियम टड़ावीग होड़ कोवायिंगा, मनदो ईसू मसी चेडकिरिंगा हनन इया हना नियमिंग मनाःता।

रूमी 10:4

ईसू मसी मोसेसराः जनामा नियमकूने पुराव एंडागोतेडा। हनालगा हाँय एचेरेकू बिसवासगेता हँकुःआ होड़कू भगवानराः ओंगोलरे बेगर गारबार होड़कूकू बड़ाँव जुवाःता।

रूमी 8:4

दो नुँहू अबू कसूर जीवराः ओंगोल इया मेरबू सलाःतना। मनदो सुद बिरुवाराः ओंगोल इयाबू सलाःतना। ननानाः लगा नुँहू अबू जमालेःआते नियमकूनबू मनाव अवेनता।

गलातिया 2:19

ईंग मेरिंग मनाव अवेगान हनानाः नियमते ईंग कसूर बदीयना। दो ईंग हना नियम मनाव पुरावगे लगायिंग अड़ाःगोतेडा, जेमहा ईंग भगवान लगायिंग जियाव अवेन। ईंग मसी सुदा कुरूसरे गोएगतो इदानिंगा,

रूमी 7:25

हाव, अबूरीग परबू ईसू मसीते भगवान ईंगे सडावकिडिंगा। हनालगा ईंग भगवानिंग जागगेयता। दो ईंग इनिंगराः ओंगोलते भगवानराः नियम इया सलाः लगायिंग ओंगलेतना, मनदो ईंग बेलूर नेवन इयायिंग कनासूरगोड ञवनतना।

रूमी 7:22

ईंगराः इनिंदरी इंदरीते भगवानराः नियमिंग एनेचेय लगा बनाहालतेयिंग दोहोनता।

रूमी 4:14

दो होड़कू नियमकून मनावकेडखन इताडदारकू बड़ाँःता दो, भगवान एचेरे बिसवासगेय लगा कोवानेःआ, अरू भगवानराः जबान हों सदाःआ होयाःता।

रूमी 3:4

नाःआ इया कहियो ओरो होयानेना। जमा होड़कू लबराकू बड़ाँव जुवाःता हों, भगवानराः कागदरे ओजाःतो इदा हनन इया, हाँय सनाताये दोहोनता। “ने परबू, आमराः जमा कताकून सनाताय इदा, अरू होड़कू आमकू फड़ियाव हों आम जितावबाः जुवाःताम।”

मती ओजाःतेरा भगवानराः नपाय सरवन 15:6

दो हाँय अनँयगरीग एंगात सहे अपात मान मरजइत लगा कोवानेःआ, माःआन। नाःआ इया अपे अपेराः रिती-बिधी मनाः अते भगवानराः सरवनपे टड़ाव एंडागोडता।

मती ओजाःतेरा भगवानराः नपाय सरवन 5:20

अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”

मती ओजाःतेरा भगवानराः नपाय सरवन 3:15

मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान।

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

रूमी 2:20

अरू बोया होड़कूरीग अरू लइंकूरीग चेडदार इनिंग हवे। मोसेसराः नियममे पवावकिया अरूम ओंगोलबाःकता, हना नियमराः कनहून अरू सताय ईंग जमालेःआयिंग सुदीतना, माःआन।

रूमी 3:6

नाःआ इया तोनोंगीग कहियो ओरोय कता अवेतेरा। एहूदाकू बदीरे भगवानराः फड़ियाव सताय कोवानेःआ दो हाँय करा इया चउंदीसरिकुःआ एटाः होड़कूय फड़ियाव अवेता?