रूमी 2:7 - Korwa Bible

⁷ तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 2:7 Referans Kwoze

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

2 तिमुतियूस 1:10

दो नुँहू होड़कू गोएगकूता हना जंगर हरुवाव एंडाकेडखन नपाय सरवनते ओरो टुटीगनेना हना जीवराः दूरे उदुःगोतेरा अबूरीग सडावदार ईसू मसी एचे ञेलनेना अरू भगवानराः मया अबूय ओवाडबुःआ।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

रूमी 8:18

ईंग सुदीबाःगोतेडिंग, अबू तयोमरे भगवान एचेरेबू पवाःता हना मान मरजइत अते नुँहूबू सहाव पारता हना कटसिया तोहोड घाव मिन हों कोवानेःआ।

रूमी 2:10

मनदो नपाय बुताकू बुता ञवनतना, हँकुःआ होड़कू लगा भगवान मान मरजइत, सलसत अरू ओरो टुटीगनेना हना जीवे एनेमेवाकूता। नाःआ नपाय जीव-जहन मड़ंगरे एहूदाकू लगा अरू हना तयोमरे बेगर एहूदाकू लगा भगवान एमेवाकूता।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

रूमी 9:23

जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।

एहुना 5:44

अपे अँननपे अपे जाग होड़ेंगता अरू मिनीटोंग इदानिया हाँयग भगवान अगीते मान मरजइत पवाः लगा अपे मेरपे चहाःतना। दो अपे करा उड़ी ईंगपे बिसवास अवे?”

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

लूका 21:19

कटसिया सहाव घड़ीन अपेराः जीवपे बनसाव दोहोगोडता।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

1 कुरिंती 15:42

ननन इया गोएगतो होड़कूराः जियाव रिमुः होयाःता। होड़कू मुरदाकू तीलगोडता अरू हना सेया एंडा जुवाःता। मनदो भगवान गोएगतो होड़कूय जियाव रेमकू मेला हँकू लगा नँवा देहे एमेवाकूता। हना देह कहियो ओरो सेयानेना।

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

1 तिमुतियूस 1:17

जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!

इबरानी 2:7

सेरमो देसरिकुःआ बराहीलकू अते गुनमिन हुडिंगमे बड़ाँवतिडिया अरू जमा बरानाः हाँयराः आड़रे जिमाकेडखन