रूमी 2:5 - Korwa Bible

⁵ आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

रूमी 2:5 Referans Kwoze

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।

2 पतरस 3:7

मनदो भगवान अनँयगराः हनानाः सरवनते नुँहुःआ सेरमो अरू ओत सेंगेलते बाल लो एंडागे लगा फड़ियावराः दिन वरीय दोहोकेरा। हनमेला कसूर होड़कूराः फड़ियाव अरू लाय एंडान होया जुवाःता।

इबरानी 3:15

कतत इया, “तिसिंग अपे भगवानराः अरोपे अयूम दो, अगड़-बगड़राः दिनरेकू एचेतेरा हनन इया, अपेराः जीव अलोपे कटकटगे।”

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

इबरानी 4:7

हनालगा भगवान मी दिने तोल दोहोकेरा अरू हनानाः दिन बदीरे दाऊद राजाते तिसिंगाः दिन, माःआने कताकेरा। हंडा नाःआ इया ओजाःतो इदा, “तिसिंग अपे भगवानराः अरोपे अयूम दो, अपेराः जीव अलोपे कटकटगे।”

इबरानी 3:13

अपे सगर दिन कता बहाल होड़ेंगगोड ञवन, जेमहा तोनोंगीग कसूररे अलोय बझाः अरू जीव अलो कटकटगुः।

रूमी 9:22

हनन इया भगवान हों इदानिया। हाँय एचेरे अनँयग ओंगोल इया एएचे लगा हातपात इदा। कसूरकेडखन डंडकू पवावकुःआ, हँकुःआ होड़कू एचेरे भगवान रीसकियानखन अनँयग जंगरे उदुः अवेकेःआ, मनदो हाँय हँकू एचेरे सहाव घड़ीने दोहोना,

उदुःतो कताकून 6:17

हँकिन रीसगुःराः मरंग दिन सोदोरयना, अरू तोनोंगीग हँकिन मड़ंगरेय चड़ाँ अवेनता जा?”

एकूब 5:3

अपेराः सोना अरू चाँदीकून हों किचियावयना। सेंगेलते मास लो ओब जुवाःता हनन इया अपेराः जीव लायगोडता अरू अपेराः सोना चाँदीकूनराः किचियावतो अपे बदीरे हिदइत इया दोहोनता। हनते हों अपे चउंदीसराः टुटीगगुः बेलारे आन-धानपे बटुड़ावकेरा।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

2 तिसलूनिका 1:5

नाःआ जमा कताकूनते अबू सुदीयता भगवान जमा होड़कू नपायतेय फड़ियावकूता, अरू आँयगराः देस बदीरे कटसियापे सहावतना हना देस जुकूर अपेय बड़ाँवगोडता।

उदुःतो कताकून 2:21

हाँय कसूर अते जीवे कुदा लगा दोंगिंग ओवातिरिंगा। मनदो हाँय बेलूर बुता अड़ाःगे लगा मेरेय चहाःतना।