रूमी 2:28 - Korwa Bible

²⁸ एहूदाकूराः नइड़-बाँसते जनमावतो होड़ सहे देहरे खतनात होड़ सतायरे एहूदा होड़ मेरेय बड़ाँःता।

रूमी 2:28 Referans Kwoze

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।

रूमी 2:17

अपे अते तोनोंगीग होड़ ओंगलुःता, ईंग भगवानरीग होड़ हवे, अरू नियमरेयिंग भरसाता हाँयग एहूदा होड़ हवे,

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

इपीसी 2:11

अपेराः जनम एहूदा जइतरे मेर होयागान अते, अपे बेगर एहूदाकू हवे। नाःआ कता अपे अहापे लिड़िंगे। होड़कूराः तिःईते खतनात होड़कू, अपे बेगर खतनात होड़कू हवे, माःआनकू कतावातेडपेःआ।