रूमी 2:19 - Korwa Bible

¹⁹ अरू आम अनम एचेरे भरसाकेडखनमे कतायतना, ईंग अंधा होड़कूरीग अगुवा होड़ अरू कसूरराः अंदरारे इदानकुःआ हँकुःआ होड़कू लगा मरसल दूरिंग उदुःवाकूता।

रूमी 2:19 Referans Kwoze

1 कुरिंती 4:10

ईसू मसी लगा बोको इया इदानकुःआ माःआन होड़कू ओंगोललेता, मनदो अपे ईसू मसी लगा अँननपे कनहूनदारपे ओंगलुःतना। अलेराः जीव अबड़ अरू एरंगतो इदा, मनदो अपे जंगरदारकू अरू मान मरजइत पवावतो होड़कूपे ओंगलुःतना।

एहुना 9:34

हँकू हाँय एचेरेकू कतातेड, “आम दो जनमावनेन वरीते कसूर होड़ इदानमेःआ। अरू नुँहू अलेम चेडतना जा?” हनते हँकू हाँय अरजी ओड़ाः अते हिगारतिरीगखनकू एकला एंडागोतेडीग।

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 6:23

मनदो अपेराः मेड बेलूर दोहोन दो, अपेराः जमा देह दगलीकून हों अंदरा जुवाःता। अपेराः इंदरीरे इदा हना मरसल अंदरा जुवाः दो, अपे अनंदरा अंदरारेपे दोहोनता।

मती ओजाःतेरा भगवानराः नपाय सरवन 5:14

अपे नाःआ चउंदीसराः मरसल हवे। पहाड़ चोटरे दोहोनता हना सहर मेर ओकोनता।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

मरकूस 10:15

अपे ईंगपे अयूम, लइंकू इया भगवानराः राइज मेरकू मनेवाता हँकुःआ होड़कू भगवानराः राइजरे ओनोरोकू बोलो अवेनेना।”

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

रूमी 2:18

अरू भगवानराः ओंगोल सुदीवाडखन नियमकून चेडकियानखन ननपाय कताकूनरे मंजूरिंग दोहोनता, माःआन।

रूमी 2:20

अरू बोया होड़कूरीग अरू लइंकूरीग चेडदार इनिंग हवे। मोसेसराः नियममे पवावकिया अरूम ओंगोलबाःकता, हना नियमराः कनहून अरू सताय ईंग जमालेःआयिंग सुदीतना, माःआन।