रूमी 16:4 - Korwa Bible

⁴ हँकिन ईंग लगा गुजुः लगा हों सपड़ावतकिन दोहोना। हनालगा ईंग, अरू जमा बेगर एहूदा बिसवासी होड़कू हँकिनले धनियाबादतना।

रूमी 16:4 Referans Kwoze

1 एहुना 3:16

ईसू मसी अबू लगाय गोएगनेना अरू अबूय एचे उदुःवाडा करा इया होड़कू अलार-दुलाररे दोहोन इदा। हनन इया अबूरिकुःआ बिसवास वपक बोपोहकू लगा अबू हों अबूराः जीव एएमे इदा।

पिलिपी 2:30

हाँय ईसू मसीराः बुता बदीरे गोनेगगुःरेय दोहोना अरू अनँयग जीव गुजुः जियाः ओंगोल अड़ाः एंडाकेडखन अपे ईंग मेरपे एमे अवेवागडिंग हना संघरा हाँय एमेवातिरिंगा।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

1 कुरिंती 16:1

नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

1 कुरिंती 7:17

नाःआते हों परबू मेमेड होड़ लगाय जिमाकेरा हना दहिन इया अरू भगवान राःकेडकुःआ हनन इया जमा होड़कू जियाः लगा इदा। जमा कलसियारिकुःआ होड़कू लगा ईंगराः हुकुम ननानाः हवे।

रूमी 5:7

अनँयग आँयगते नपाये ओंगलुःता हाँयग होड़ लगा तोनोंगीग गुजुः लगा ओरोकू सपड़ावनेना। मनदो होनोयाःकून करे मुरुक नपाय इदानिया हाँयग होड़ लगा तोनोंगीग होड़ अनँयग आँयग गुजुः लगाय सपड़ाःता।

मूक चेलाकू 16:5

नानाः इया हंडाकुःआ बिसवासी होड़कू ईसू मसीराः बिसवासरेकू बड़ियाड़यान अरू मुरुक होड़कू ईसू एचेरेकू बिसवासतेरा।

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

एहुना 15:13

तोनोंगीग होड़ अनँयग सउंगताकू लगा जीवे एमे दो नाःआ अते मरंग दुलार तोनोंगीगराः कोवानेःआ।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

मूक चेलाकू 15:26

नँकुःआ होड़कू परबू ईसू मसी लगा अँनकूराः जीव हों एमेय लगा सपड़ावतो इदानकुःआ।

रूमी 16:3

ईंग सुदा ईसू मसीकिन सेवाता हँकिनाः पिरिसकी अरू अकिला ईंग अगीतेपे सलामगोडकिन।

रूमी 16:5

हँकिन ओड़ाःरेकू जुमाःता हँकुःआ जमा बिसवासी होड़कू ईंग अगीतेपे सलामगोडकू। इपेनितूस ईंगरीग दुलार सउंगता हवे। हाँय आसिया राइजरे जमाकू अते मड़ंग, ईसू मसी एचेरेय बिसवासकेरा। अपे हाँयपे सलामगोड।