रूमी 14:9 - Korwa Bible

⁹ ननानाः लगा ईसू मसी गोएगनेनखन अरूय जियाव रेमकिया, जेमहा गोएगतो होड़कू अरू जीयत होड़कू होंकू कबुलाव अवेन, नाँय अबूरीग परबू हवे, माःआन।

रूमी 14:9 Referans Kwoze

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

लूका 24:26

मसीके मुरुक कटसिया सहावकेडखन गुनुजुः लगा दोहोना अरू हना तयोमरे मान मरजइत सुदा सेरमो देसरे बोल लगा दोहोना।”

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

मूक चेलाकू 10:42

अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

1 पतरस 4:5

जीयत इदानकुःआ हँकुःआ होड़कू अरू गोएगतो होड़कू, जमाकू भगवान फड़ियावकूता। हनानाः दिन हँकू जमाकू अँनकूराः बुता बदीरे भगवान एचेरे आभा एएमे पराःता।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

उदुःतो कताकून 2:8

इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,

एहुना 12:24

अपे ईंगपे अयूम! गोहोम बिहान ओतरे वेरकेडखन मेर गुजुः दो, हना बिहान हनन इया दोहो जुवाःता। गुजुःतान दो हना बिहानते मुरुक जांगगुःता।

रूमी 10:9

अपे ईसू मसी, परबू हवे माःआन अरू भगवान हाँय गोएगतो होड़कू अतेय जियाव रेमकिडिया, माःआनपे बिसवासगेता, अरूपे कबुलाःतान दो अपे सडाव जुवाःतापे।

1 तिसलूनिका 4:14

अबू बिसवासगेतना ईसू मसी गोएगनेना अरू हाँय जियाव रेमकियाय। दो हनन इया गोएगनेनाकू हँकुःआ बिसवासी होड़कू हों ईसू कुदा वेगता हनमेला भगवान हाँय सुदाय अगू दरवाकूता।

1 तिसलूनिका 5:10

जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।