रूमी 14:22 - Korwa Bible

²² आम बिसवासगेता हना कता बदीरे भगवान मड़ंगरे, आम अनम जीवरेम दोहोगे। तोनोंगीग होड़ तोनोंगाः कता नपाय इदा माःआने ओंगलेता, अरू हना कता बदीरे अनँयग आँयग मेरेय बदीनता, हनाँयराः जीव नपाय दोहोनता।

रूमी 14:22 Referans Kwoze

1 एहुना 3:21

अबू जीवरे कसूरराः बोझा मेर दोहोन दो भगवान एचेरे डीड़तेबू सेने अवेनता।

रूमी 14:5

तोनोंगीग मी दिन एटाः दिन अते मइदे मनाःता। मनदो एटाः होड़ जमा दिन बरोबइर मइदे मनाःता। मनदो मेमेड होड़ अनँयग एचेयता हना बदीरे अनँयग आँयगते ओंगोल सुदीबाःका लगा इदा।

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।

गलातिया 6:1

ईंगरिकुःआ अजी बोपोहकूतिंग, सुद बिरुवा अपे अगुवाइवापेतना। हनालगा अपे अते तोनोंगीग होड़ कसूरगोड दो, अपे सुधा होड़कू इया सताय दूर अगीपे कुदा अगूय। मनदो अपे कसूररे अलोपे बझाः लगा सवासितीपे दोहोन।

रूमी 14:23

तोनोंगाः कता भगवान एचेरे बेगर बिसवासते अबू एचेयता दो अबू कसूरगेता। हनालगा आम तोनोंगाः जिनिस जोम बदीरे बेगर बिसवासते बार जीवकियानखनमे जोम दो आम कसूरगेता।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:2

मी होड़ बिसवासगेता, जमा बरानाःबू जोम अवेयता, माःआन। मनदो बिसवासरे अबड़ इदानिया, हाँय अनाड़ाः-ऊतकूने जोमता।

मूक चेलाकू 24:16

हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

रूमी 7:24

ओहरे, दइया! ईंग अनाडतो होड़ इदानिंगा। दो नाःआ गुजुः इया देहते इये ईंगे सडावगींगता?

रूमी 7:15

ईंग मेरिंग सुदीयतना ईंग चिलायिंग एचेयतना। नपाय एएचे लगा ईंग ओंगलेतना, हना ईंग मेरिंग एचे अवेयतना। मनदो ईंग एरंगवाता, हनानाःयिंग एचेगोड ञवनतना।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

1 कुरिंती 8:7

मनदो जमा होड़कू नाःआ बदीरे मेरकू सुसुदीतना। हँकू ओंगलेता, सतायरे मुरतीकूनरे जीव इदा, माःआन। दो हँकू हना मुरतीकून मड़ंगरे मंडावतो जिनिसकूनकू जोमता। अरू हँकू अबड़ जीव होड़कू दोहोनतान अते, हँकूराः जीव मइलाव जुवाःता।