रूमी 14:15 - Korwa Bible

¹⁵ आम तोनोंगाः जिनिस जोम अते तोनोंगीग होड़राः बिसवास अबड़ जुवाःतान दो, आम हाँय मेरेम दुलारगेयता। ईसू मसी हाँयग होड़ लगा होंय गोएगनेना। हनालगा आम तोनोंगाः जिनिस जोम अते हाँयराः बिसवास अलोम लायगे।

रूमी 14:15 Referans Kwoze

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

रूमी 15:2

अबू जमा बिसवासी होड़कूराः जीवरे नफा होयाः लगा अबू एटाः होड़कूबू ननाय लगा इदा, जेमहा अबू जमाकू बिसवासरेबू बड़ियाड़ जुवाः।

रूमी 14:20

भगवान एचेकेरा हना बुता जोम जिनिस लगा अलोम आडगे। जमा जोम जिनिसकून नपाय इदा, मनदो आम तोनोंगाः जिनिस जोम अते एटाः होड़राः बिसवास अबड़ जुवाःता दो आम गारबारगेतना।

1 एहुना 2:2

भगवान अबूराः कसूर लगा ईसू मसी डंडियावतिरिगखन कुरूसरेय गोएग ओवातिरिया, जेमहा भगवान अबूराः अरू चउंदीसरिकुःआ जमा होड़कूराः कसूरे बराव एंडा।

1 कुरिंती 13:1

ईंग सेरमोरिकुःआ बराहीलकूराः अरू होड़कूराः भासीरे होयिंग बड़रा, मनदो ईंग एटाः होड़कू मेरिंग दुलार दो छिपी टका-टोँड़ा इया, अरू खंजड़ी विरीनता हना इया इदानिंगा।

रूमी 13:10

एटाः होड़कूय अलार-दुलारता हाँयग होड़ आँयग परुसी एचेरे तोनोंगाः मेरेय गारबारगेता। हनालगा तोनोंगीग एटाः होड़कूय अलार-दुलार, हाँय भगवानराः जमा नियमकूने पुरावगोडता।

2 पतरस 2:1

मड़ंग जूगरे भगवानराः बड़रा लबरातेकू कताया हँकुःआ होड़कू दोहोना। हनन इया अपे तलारे हों भगवानराः बड़रा लबरातेकू कतायता हँकुःआ होड़कू वेगता। हँकू ओनोक दनंगरे लाय एंडागेराः सरवनकू अगूयता। अँननकूय सडावकेरा हाँयग परबू होंकू आड-बेकारवायता, अरू हना अते हँकू अँननकू अँकू ओहेनकू लाय एंडा जुवाःता।