रूमी 14:13 - Korwa Bible

¹³ हनालगा अबू एटाः होड़कू अरू अलोबू बदीकू। मनदो अबू अँननबू अबू ओंगोल बुझावबाःगुः लगा इदा, ईंग तोनोंगीग होड़राः बिसवास दूर अते हाँय बहकावगेय लगा अलोयिंग रेडगेय, माःआन।

रूमी 14:13 Referans Kwoze

2 कुरिंती 6:3

अलेराः सेवा बेगर गारबारते दोहोन लगा अले तोनोंगीग होड़राः बिसवास दूर मेरले रेडता।

एकूब 4:11

ने अजी बोपोहकूतिंग, अपे अँननपे अपे अहापे बदी होड़ेंग। अनँयग वपक बोपोहकूतेने बदीता सहेय जाःकूता हाँयग होड़ भगवानराः नियमे बदीता अरूय जाःगेता। नियमे जाःता हाँयग होड़ नियम इया मेरेय सलाःतना, मनदो हाँय हना नियमराः फड़ियावदारे होयाःता।

लूका 12:57

चिला कता नपाय इदा, हना अपे चिला लगा मेरपे सुदी अवेयतना?

मती ओजाःतेरा भगवानराः नपाय सरवन 7:1

तोनोंगीग होड़ अलोपे फड़ियावगेय, दो तोनोंगीग अपे हों ओरोय फड़ियावतेडपेःआ।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

रूमी 14:10

दो चिला लगा आम एटाः बिसवासी होड़कूम फड़ियावता? अरू आम हाँय चिला लगा लचार होड़ हवे माःआनमे ओंगलेयता? नाःआ कताम उहियारगे, अबू जमाकू भगवान फड़ियावबू लगा हाँय मड़ंगरे चड़ाँन पराःता।

लूका 17:2

तोनोंगीग हुडिंग बिसवासी होड़े एचे कसूरगेतान अते, हाँयग होड़राः होटोःरे जंता इया दिरि तोलकेडखन समुंदररे तेनेके बोलो एंडाय, हाँय लगा नपाय इदा।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

एकूब 2:4

अपे तलारे नाःआ इया हिगार हटिंगकिन लगापे उदुःगेतान दो अपे बेलूर ओंगोलतेपे फड़ियावगेतना।

1 कुरिंती 11:13

अपे अँननपे ओंगले, तोनोंगीग अइमी बेगर बोः तंबूनते भगवान एचेरेय अरजी दो हना नपाय इदा जा कोवान?

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

रूमी 14:4

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।

मती ओजाःतेरा भगवानराः नपाय सरवन 18:7

होड़कूकू एचे कसूरकूता हना कताकूनते चउंदीसरिकुःआ होड़कूराः जीव ठीक जुवाःता। ननानाः कताकून होनोयाः लगा इदा। मनदो एटाः होड़े एचे कसूरता हाँयग होड़राः जीव ठीक जुवाःता।

मती ओजाःतेरा भगवानराः नपाय सरवन 16:23

दो ईसू ञेल उलटावतेडखन पतरसे कतावाड, “ने कलउ, ईंग मड़ंग अते तोरेनमे। आम ईंगराः दूरमे रेड लगा ओंगलेता। आम भगवानराः कता इया कोवान, मनदो होड़कूराः कता इयाम ओंगोलतना।”

1 एहुना 2:10

तोनोंगीग होड़ अनँयग बिसवासी वपक बोपोहकूय अलार-दुलारता दो, हाँयराः जीव मरसल इया नपाय इदा अरू हाँय एचे कसूर अवेगेय इयाःआ कहिसाः हाँय जीवरे कोवानेःआ।

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

रूमी 11:9

ननन इया दाऊद राजा हों भगवानराः कागदरेय ओजाःतेरा, “हँकू जोम ञूयकेडखनकू बहालगुःता, हनानाःरे हँकू दाः जुवाः। हँकू तोहोडकेडखन, अँननकूराः बुता इया डंडकू पवाः।

रूमी 14:3

भगवान जमाकूय मनेवाडकुःआ। हनालगा जमा बरानाःए जोमता हाँयग होड़, मेरेय जोमता हाँय अलोय आड-बेकारवाय। अरू मेरेय जोमता हाँयग होड़, जमा बरानाःए जोमता हाँय अलोय बदीगेय।