रूमी 13:12 - Korwa Bible

¹² रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

रूमी 13:12 Referans Kwoze

इपीसी 5:11

होड़कू रइतरेकू एचेयता हना अंदराराः बुतारे अहापे मेसान, मनदो हँकूराः बुता तुमिन बेलूर अरू सदाःआ इदा, हना अपे हँननकूपे एचे उदुःवाकू।

2 कुरिंती 6:7

अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

इपीसी 4:22

अपे नाःआ इया मड़ंगरेकू चेडतेडपेःआ। बेनेलूर ओंगोलते लायगुःआ अपेराः जुना जीव अड़ाः एंडाकेडखन,

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

उदुःतो कताकून 22:10

हनते हाँय ईंग एचेरेय कताया, “नाःआ कताकून होयाःराः बेला लेनेसान इदा। हनालगा नाःआ कागद कोंडोड़ रेडकेडखन मोहर अलोम लगावगे।

1 पतरस 2:1

हनालगा ईंगरिकुःआ अजी बोपोहकूतिंग, अपे जमा बरानाः टेनसाहा अरू बेलूर कताकून, लबरा बड़रा, पचघुचिया, इरा अरू जमा बरानाः ओपता बड़रा, अपे जीव अतेपे चलाः एंडागोड।

उदुःतो कताकून 1:3

नाःआ जमाकून होयाःराः बेला निचकाःतना। हनालगा नाःआ कागदरे ओजाःतो सरवने बछाःता, अरू अयूमकेडखन तिंगीड घड़ीने मनावगोड ञवनता, हाँयग होड़राः जीव-जहन भगवान नपायगेयता।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 कुरिंती 10:11

अबू इसराएल होड़कू इया अलोबू होयाः लगा नाःआ जमाकून हँकू जीवरे होयानेना। अबू टुटीगगुः अते मड़ंग बेलारे इदानबुःआ। नाःआ जमाकून अबू लगा ओजाःतो इदा, जेमहा अबू सवासितीबू दोहोन।

2 कुरिंती 10:4

अले चउंदीसरिकुःआ होड़कूराः ओंगोलकून अरू बेलूर कता होड़ेंग लाय एंडाय लगा भगवान अगीते जंगरले पवाःता। हनालगा अले नाःआ चउंदीसराः अवजारकून लड़ाइ लगा मेरले उपयोतगेता।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

इबरानी 10:25

तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

इबरानी 12:1

भगवान एचेरेकू बिसवासतेरा हँकुःआ जमा होड़कू अबूराः चाइरो गतर, बदरी इया हिदइतदारकू इदानकुःआ। हनालगा मान अबू रोंकावबूता हनाकून अरू अबू दाःबूता हना कसूरकूनबू चलाः एंडाय। अरू भगवान अबू लगाय संजोड़केरा हनानाः बतकाः, सहाव घड़ीनबू बतकाव ञवन।

एकूब 5:8

हनन इया अपे हों सहावगोड ञवनपे। परबू वेगराः बेला निचकाःतना। हनालगा अपे अँननपेराः जीवपे बड़ियाड़गे।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

2 पतरस 3:9

अदोम होड़कू ओंगलेता, परबू अनँयगराः जबान एचे पुरावगे लगा कुबेरगेताय, माःआन। मनदो हाँय मेरेय कुबेरगेतना। हाँय मेरेय चहाःता तोनोंगीग लाय एंडा जुवाः, मनदो जमा होड़कू कसूर अते जीवकू कुदा लगा बेलाकू पवाः लगाय चहाःतना। हनालगा हाँय अपे सुदा सहाव घड़ीन इदानिया।

2 पतरस 3:11

नाःआ इया जमालेःआ पघलाव एंडान लगा इदा दो, अपे करा इया होड़कू बड़ाँः लगा इदा? अपे सुद लूर-नेवनतेःआ अरू भगवानराः ओंगोलरे बेगर गारबारतेःआ जीव जियाः लगा इदा।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।