रूमी 12:8 - Korwa Bible

⁸ तोनोंगीग एटाःकू कता-बहालकू लगा दहिने पवावकियान दो हाँय कता-बाहालगोड ञवनकूय, अरू तोनोंगीग हहटिंग लगा दहिने पवावकियान दो हाँय मिनी जीवकियानखने हटिंगगोड ञवन। तोनोंगीग अगुवाइवाकू लगा दहिने पवावकियान दो हाँय, ईंगराः जिमेवारी इदा माःआन ओंगोलकेडखने अगुवाइगोड ञवन अरू मयावाकू लगा तोनोंगीग दहिने पवावकियान दो हाँय बनाहाल घड़ीने मयावाकू।

रूमी 12:8 Referans Kwoze

2 कुरिंती 9:7

भगवान बहालते एमेयीग होड़ सुदाय दुलारता। हनालगा अपे रेनहाते सहे बार जीवकियानखन अलोपे एमेय। मनदो अपे अनपेराः इंदरीरेपे ओंगोल दोहोकेरा हिनिनमिनपे एमेय।

1 तिमुतियूस 5:17

नपायते होड़कूकू अगुवाइवाता हँकुःआ कलसियारिकुःआ अगुवा होड़कू अते तोनोंग तोनोंग होड़कू भगवानराः सरवनकू परसारगे लगा अरू चेडकू लगाकू मिहनइतगेता। दो ननन इयाकुःआ होड़कू बगरा मान मरजइतकू लगा इदा।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

मूक चेलाकू 15:32

जूदा अरू सिलास भगवानराः बड़रा कता होड़किन दोहोना अरू हँकिन, बिसवासी होड़कू ईसू एचेरे एचे बड़ियाड़कू लगा मुरुककिन कता उदुःतेरा।

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

इबरानी 13:24

अपेरिकुःआ जमा मूक होड़कू अरू जमा सुद होड़कू ईंग अगीते मसी सलाम। इतालीया देसरिकुःआ बिसवासी होड़कू अपेकू मसी सलामतना।

इबरानी 13:22

ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।

इबरानी 10:25

तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

2 कुरिंती 8:12

तोनोंगीग बिहिरी एमे लगा हाँयराः हिछा इदान दो, आँयग एचेरे कोवानेःआ हना अते कोवान मनदो हाँय एचेरे इदा हनानाः अतेय एमेगोडता दो भगवान हनाए मनेवाता।

1 कुरिंती 14:3

मनदो भगवानराः बड़राय कताता हाँयग होड़, होड़कू एचेरेय कतायता। हाँयराः बड़राते हँकूराः बिसवास बड़ियाड़ जुवाःता, अरू हँकूराः जीव अहाल-बहाल अरू हड़ियाड़ जुवाःता।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

मूक चेलाकू 20:2

हाँय हना राइजरिकुःआ होड़कूय कता बहालवाडखन हना देसतेय पारनेना अरू उनानी देसरेय सोदोरनेन।

1 तिमुतियूस 4:13

ईंग अपे एचेरे अरीनिंग सुदरुः वरी कलसियारे भगवानराः सरवन जमा होड़कूम बछाव उदुःवा लगा अरू परसारगे लगा अरू चेडकू लगा ओसताजमे दोहोन।

1 तिसलूनिका 2:8

अले अपे मुरुकले दुलारपेःआ अरू हनाते भगवानराः नपाय सरवनले कताया, हनमेला अलेराः जीव हों एमेवापे लगा हों सपड़ावतोले दोहोना।

1 तिसलूनिका 2:3

अले भगवानराः नपाय सरवन तोनोंगाः गारबारते सहे बेलूर ओंगोलते सहे अडिगपे लगा मेरले परसारगरा।

कुलूसी 3:22

ने सेवकियाकू, अपेरिकुःआ मालिककू अपेकू ञेलता, हनमेला एकला अहापे बुता बोनाः। मनदो अपे मिनी जीवते परबूराः अकूस मनाः घड़ीन हँकूराः जमा कताकूनपे मनाः।

इपीसी 6:5

ने सेवकियाकू, अपे ईसू मसीराः कतापे मनाःता हनन इया, अपेरिकुःआ मालिककूराः अकूस मनाः घड़ीन हँकूराः कता मिनी जीवतेपे मनाः।

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।

2 कुरिंती 9:13

नाःआ सेवाते होड़कू सुदीगोडता अपे मसीराः नपाय सरवन बिसवास घड़ीनपे मनावगोड ञवनतना अरू अपे गरीब होड़कू अरू एटाः बिसवासी होड़कू संघरावाकू लगा ओसताज इदानपेःआ, माःआन। अरू हना अते हँकू भगवानकू जागता।

2 कुरिंती 9:11

दो भगवान अपे जमालेःआतेय उडु-बुडूगोडपेता, जेमहा अपे जमा बेला देनहारकूपे बड़ाँव अवेन। अरू अले अपेराः बिहिरीराः जरूरइत इदा हँकुःआ होड़कूले एमेवा दो हँकू भगवानकू धनियाबादता।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

रूमी 13:6

जमा हातपात होड़कू भगवानरिकुःआ सेवादारकू इया अँननकूराः जिमेवारीकू एचे पुरावगेता। हनालगा अपे जमा बरानाः मलगुजारीकून एएमे लगा इदा, हनापे एमेगोड।

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

मूक चेलाकू 13:12

दो हना डुगुरीग मरंग हातपात होड़ सेरगियूस-पउलूस परबू ईसूराः चेडतो बदीरेय बयावयान। हनालगा हाँय नाःआ जमाकून ञेलतेडखन भगवानराः सरवनरेय बिसवासतेरा।

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

मूक चेलाकू 11:23

हाँय हंडा सोदोरनेनखन भगवानराः मया हँकुःआ होड़कू एचेरे ञेलतेडखन मुरुके बहालयान। अरू हँकू जमा इंदरीते परबू ईसू एचेरे बिसवास हड़ाःगोड ञवनकू लगाय कता बहालगोतेडकू।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।