रूमी 11:6 - Korwa Bible

⁶ भगवान अबू नपाय बुताकूनबू बुताःआ हना अते मेरेय सुनावगडबुःआ, मनदो भगवान अनँयग मयावाडबूखने सुनावकेडबुःआ। हाँय अबूराः नपाय बुता अतेय सुनावकेडबुः दो हाँयराः मया सदाःआ होया जुवाःकुःआ।

रूमी 11:6 Referans Kwoze

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

तितूस 3:5

अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।

गलातिया 5:4

मोसेसराः नियमकून मनावकेडखन भगवानराः ओंगोलरे बेगर गारबार होड़ बड़ाँः लगाय ओंगलेतना, हाँयग होड़ ईसू मसी अतेय हिगारयना अरू भगवानराः मयाय आड-बेकारवारा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

लूका 6:13

अंगुः निंदावा ईसू अनँयग चेलाकूय राः जुमावतेरा। हाँय हँकू अते बारहगोटोंग होड़कूय लुंबाड़तेरा अरू आँयगरिकुःआ मूक चेलाकूय कतावातेडकुःआ।