रूमी 11:16 - Korwa Bible

¹⁶ अपे ईंगपे अयूम! अपे सुवेडतो गुंडा अते मी बंटा भगवान लगापे एमेय दो हना जमा गुंडा सुद जुवाःता। अरू जेर नपाय इदान दो हनाराः डइड़कून हों नपाय दोहोनता।

रूमी 11:16 Referans Kwoze

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

रूमी 11:17

नपाय जइतून सींगराः तोनोंग तोनोंग डइड़कून भगवान तपेग एंडागोतेडा अरू पहाड़राः जइतून सींगराः डइड़कून हना नपाय जइतून सींगरेय तोल जोड़ावगोतेडा अरू नुँहू जियाः लगा हना सींगराः जेरते दाःकून पवाःतना।

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।

1 कुरिंती 7:14

तोनोंगीग बिसवासी अइमीरीग हेरेलतो मेरेय बिसवासगेतान हों, हाँयग अइमी बिसवासगेतान अते हाँयगरीग हेरेलतो हों सुदे बड़ाँव जुवाःता अरू हनन इया बिसवासी मरदरीग एरात मेरेय बिसवासगेतान हों, हाँयग मरद बिसवासगेतान अते हाँयगरीग एरात हों सुदे बड़ाँव जुवाःता। निही दो अपेरिकुःआ लइंकू सुद ओरोकू दोहोकुःआ, मनदो नुँहू हँकू सुद इदानकुःआ।

रूमी 8:23

जमा सकालाः एकला कोवान मनदो अबू हों इंदरीरेबू केहराव ञवनतना। भगवान अबू एमेवा लगाय जबानतेरा हना जबानराः चिनहा इया आँयगराः सुद बिरुवाय एमेवाडबुःआ। अरू भगवान अनँयग लइंकू इया जमालेःआ समुटावकेडबूखन बेगर कसूरतो नँवा देहे एमेवाबूता। हनानाः दिन लगाबू टकागोड ञवनतना।