रूमी 1:30 - Korwa Bible

³⁰ हँकुःआ होड़कू भगवानकू हिनइस-बिनइसवाता, एटाः होड़कूकू एचे बेग-हतागेयता अरू बड़वार होड़कू इदानकुःआ। हँकू कसूरगे लगा नँवा नँवा बुइदकू तुलाता अरू एंगा अपाराः कता मेरकू मनाःता।

रूमी 1:30 Referans Kwoze

2 तिमुतियूस 3:2

हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

एकूब 4:16

मनदो अपे अँननपे अपे मरंगपे ओंगलुःता अरूपे बड़वारता। हना इयाःआ बड़वार जमा दो बेनेलूर इदा।

एकूब 3:5

ओंगोलगेपे, मीटोंग तिलिंगीते जमा पहाड़कून लो जुवाःता। हनन इया अबूराः आह हों इदा। आह देहराः हुडिंगाः दगली हवे, मनदो मुरुक बड़वार बड़रा कतायता।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

2 कुरिंती 10:15

भगवान अलेय जिमावारा हनानाः सेवा अड़ाःकेडखन एटाः होड़कूराः सेवा बदीरे अलेराः सेवा हवे माःआन, मेरले भल-भलायगुःता। मनदो अले असरातना, अपे बिसवासरेपे बड़ियाड़ जुवाःता, अरू अपे तलारे अलेराः सेवा हों अरू बगरा होयागोड ञवनता,

रूमी 3:27

दो भगवान अबूय मनेवा लगा तोनोंगाःबू एचेकेरा, माःआन अबू बड़वार अवेनता जा? तोनोंग इया कोवान। ईसू मसी एचेरेबू बिसवासकेरा, हनालगा हाँय अबूय मनेवाता।

रूमी 2:23

आम, नियमिंग सुदीतना, माःआनमे बड़वारता। मनदो अनम नियमकून टड़ावकेडखन होड़कू एचेरे भगवानमे एचे बेग-हतावायता।

रूमी 2:17

अपे अते तोनोंगीग होड़ ओंगलुःता, ईंग भगवानरीग होड़ हवे, अरू नियमरेयिंग भरसाता हाँयग एहूदा होड़ हवे,

मूक चेलाकू 5:36

तोनोंग बरिस मड़ंग तियुदास ञावीग होड़ दोहोना। हाँय अनँयग आँयग मरंगे ओंगलुःआ। हाँय सुदा अंदांज चइर सव होड़कू होंकू मेसानेना। मनदो सइना होड़कू हाँयकू ञेड गोएग एंडातेरा अरू हाँय सुदाकू दोहोना हँकुःआ जमा होड़कू सितिर-बितिरयनाकू।

लूका 21:16

अपेरिकुःआ एंगा-अपा, वपककू अरू जइत सगाकू अरू सउंगताकू हों अपेकू एचे साबता, अरू अपे अते तोनोंग तोनोंग होड़कूकू एचे ञेड एंडागोडपेता।

मती ओजाःतेरा भगवानराः नपाय सरवन 16:21

हना वरीते ईसू अनँयग चेलाकूतेने कता उदुःआ, “ईंग एरुसलेम सहररे सेन लगा इदा अरू एहूदाकूरिकुःआ मूक होड़कू, मरंग पुजउरीकू अरू नियम चेडदार होड़कू मुरुककू संतावगींगता अरूकू ञेड एंडागोडिंगता। मनदो ईंग पेय दिनरेयिंग जियाव रिमुःता।”

मती ओजाःतेरा भगवानराः नपाय सरवन 15:4

भगवान कताकेरा, अपे अँननपेरिकुःआ एंगा-अपापे मान मरजइत अरू तोनोंगीग आँयगरीग एंगत सहे अपाते सती-सरापता, हाँयग होड़ ञेड एंडागेय लगा इदा, माःआन।

एहुना 7:7

चउंदीसरिकुःआ होड़कू अपे सुदा मेरकू हिनइस-बिनइस अवेयता। मनदो ईंग हँकूराः बुता बेलूर इदा माःआन हँकू बदीरेयिंग कतातेरा। हनालगा हँकू ईंगकू हिनइस-बिनइसवाता।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।