रूमी 1:24 - Korwa Bible

²⁴ हनालगा भगवान हँकूराः ओंगोल इया बेलूर बुताकूनकू एचे लगाय अड़ागोतेडकुःआ, जेमहा हँकू अँननकूराः देह एटाः होड़कू सुदाकू एचे बेग-हतागे।

रूमी 1:24 Referans Kwoze

मूक चेलाकू 7:42

हनालगा भगवान हँकूय अड़ाःगोतेड अरू हँकू बेर, बांगो अरू इपीलकू जाग लगाय जिमागोतेडकू। नाःआ कता भगवानराः बड़रा कता होड़कूराः कागदरे ओजाःतो इदा हना कताते मेसा जुवाःता; ने इसराएल होड़कू, अपे चालीस बरिस टयंगाब ततेररेपे दोहोन मेला इनिंग लगा जानरकूराः बलिदानकून अरू सराराः बलिदानकूनपे अगूकेरा जा?

मूक चेलाकू 14:16

मड़ंगरे हाँय जमा होड़कू अँननकूराः ओंगोल इया एचे लगाय सेने ओवातेडकुःआ।

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

1 तिसलूनिका 4:4

जमा होड़कू सुद अरू बेगर गारबारते अनँयग आँयग लगा अइमी गोः लगा इदा।

1 कुरिंती 6:18

अपे सनहा-सनही बुताकून अनाड़ाः एंडाबाःगोडपे। नाःआ कसूर अड़ाःकेडखन जमा बरानाः कसूरकून देह दगलीराः बहरी दोहोनता। मनदो तोनोंगीग सनहा-सनहीकूने एचेयतान दो हाँय कसूरकेडखन अनँयग देहे आडगोडता।

1 कुरिंती 6:13

अरू तोनोंगीग कतायता, जोम-ञूय जिनिस दोंगे लगा अरू दोंगे जोम-ञूय जिनिस लगा इदा। मनदो ईंग कतायता, भगवान बनरे लाय एंडागोडता। अरू अबूराः देह दगलीकून सनहा-सनही एचेय लगा कोवानेःआ। अबूराः देह दगलीकून परबूराः हवे। हनालगा अबूराः देह दगलीकून परबू सेवा लगा उपयोतगे लगा इदा अरू हनाँय हवे अबूरीग मालिक।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।