रूमी 1:1 - Korwa Bible

¹ ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

रूमी 1:1 Referans Kwoze

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

रूमी 15:16

बेगर एहूदाकू लगा ईसू मसीरीग मूक चेलाय बड़ाँवकिडिंगा अरू ईंग मी होड़ पुजउरी होड़ इया भगवानराः नपाय सरवनिंग परसार उदुःगेतना, जेमहा हँकू भगवान ननायगुः लगा सुद बिरुवाते सुदकेडकूखन बलिदान इयायिंग जिमा अवेकू।

1 कुरिंती 1:1

ने अजी बोपोहकूतिंग, ईंग पउलूस, अबूरीग बिसवास बोहोबू सोसतिनूस सुदा, नाःआ चिठीयिंग ओजाःतना। भगवान आँयगराः ओंगोल इया ईसू मसीरीग मूक चेला बड़ाँः लगाय सुनावकिरिंगा।

कुलूसी 1:1

ने अजी बोपोहकूतिंग, ईंग पउलूस भगवानराः हिछा इया ईसू मसीरीग मूक चेला हवे। अरू अबूरीग बिसवास बोहोबू तिमुतियूस सुदा, नाःआ चिठीयिंग ओजाःगेतना।

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

1 कुरिंती 9:1

ईंग एएचे लगायिंग ओंगलेता हना ओरोयिंग एचे अवेतेरा जा? ईंग हों ईसूरीग मूक चेला ना लवे जा? ईंग अबूरीग परबू ईसू मेरिंग ञेलगतिरिया जा? अपे परबू ईसू बदीरेयिंग उदुःवातेडपेःआ अते हाँय एचेरे मेरपे बिसवासगेतना जा?

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

1 तिमुतियूस 1:1

ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

गलातिया 1:1

ने अजी बोपोहकूतिंग, होड़कू अगीते सहे मनुवाकूराः ओंगोलते कोवान, मनदो ईसू मसीते अरू गोएगतो अते ईसूय जियाव रेमकिरिया हाँयग अपांग भगवान, हँकिनराः हिछाते मूक चेला बड़ाँवतो ईंग पउलूस,

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

उदुःतो कताकून 1:1

ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।

इबरानी 5:4

नाःआ इया मान मरजइत पवाः लगा तोनोंगीग अनँयग आँयगते मेरेय सुनावगेता। मनदो भगवान हारूने सुनावतेरा हनन इया भगवान हाँये सुनावगेय लगा इदा।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

2 कुरिंती 12:11

ईंग इनिंग भल-भलायगुःतान अते बुयांगिंग बड़ाँवनेना। मनदो ईंग ननन इया भल-भलायगुः लगा अँननपे ईंगपे रेनहातेरा। ईंग तोनोंगीग कोवायिंगा। हनते हों तोनोंगीग मनारंग मूक चेलाकू अते हों ईंग हुडिंग कोवायिंगा। हनालगा अपे इनिंगपे भल-भलायवाकेःआ।

2 कुरिंती 11:5

ईंग मेरिंग ओंगलेतना अगम मरंग चेलाकू अते ईंग हुनुडिंग इदानिंगा, माःआन।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

मूक चेलाकू 22:21

मनदो परबू ईसू ईंग एचेरेय कताया, दूमे, ईंग आम बेगर एहूदाकू एचेरेयिंग वारमेतना, माःआन।”

मूक चेलाकू 22:7

ईंग ओतरेयिंग कसड़यान अरू मीटोंग बड़रायिंग अयूमतेरा, साहूल, साहूल, आम चिला लगा ईंगमे संतावगींगतना, माःआन।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

उदुःतो कताकून 22:9

मनदो हाँय ईंग एचेरेय कतातेरा, “अलो अलो, नाःआ इया अलोम एचेय। ईंग हों आम इया भगवानरीग सेवकिया होड़ इदानिंगा। आमरिकुःआ बिसवासी वपक बोपोहकूताम इया, भगवानराः बड़रा कता होड़कू इया, अरू नाःआ कागदराः कताकूनकू मनाःता हँकुःआ होड़कू इया ईंग हों भगवानरीग सेवकिया होड़ इदानिंगा। हनालगा आम भनगवानमे जाग।”

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 15:29

अरू ईंग सुसुदीतना, ईंग अपे एचेरेयिंग सेन दो ईसू मसी अबूराः जीव-जहन जमालेःआय नाय नपायगोडता।

रूमी 11:13

दो नुँहू, अपे बेगर इसराएल होड़कू, ईंगपे अयूम। अपे बेगर इसराएल होड़कू लगा भगवान ईंग मूक चेलाय बड़ाँवकिडिंगा। हनालगा ईंग नाःआ सेवा मरंगिंग ओंगलेतना,

मूक चेलाकू 27:23

ईंग सेवागेयतना ईंगरीग मालिक भगवान हाँयरीग बराहील तिसिंग रइत ईंग एचेरे वेगनेनखने कताकेरा,

मूक चेलाकू 26:1

हनते अगरिपा राजा पउलूस एचेरेय कतातेरा, “आम अनम बदीरेम कता अवेयता।” दो पउलूस आँयगराः तिःई पेरेतेडखने कताया,

मूक चेलाकू 13:9

दो उनानी भासीरे पउलूस माःआनकू रगेयता हाँयग साहूल भगवानराः सुद बिरुवाते पेरेगनेनखन हाँयग जादो होड़े ञेलतेरा अरूय कतातेरा,

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

उदुःतो कताकून 22:6

हनते हाँयग बराहील ईंगे कतावातेरा, “नाःआ कता बिसवासगेयीग अरू सनाताय इदा। परबू दरवाःआ हना कताकून अनँयगरिकुःआ सेवकियाकू एचेरेय एचे उदुःवाकू लगा अनँयगरीग बराहीले वारतेरा। ननाँय भगवान अनँयगराः बड़रा कता होड़कू एचेरे मड़ंगरेय कता उदुःतेरा।”

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

मूक चेलाकू 26:14

दो अले जमा होड़कू ओतरेले कसड़यान अरू इबरानी भासीरे ईंग मीटोंग बड़रायिंग अयूमतेरा, साहूल, साहूल, आम चिला लगा ईंगमे संतावगींगतना? पयनारेम तकिनगे दो आम लगा मुरुक कटसिया होयाःता, माःआन।

मूक चेलाकू 21:40

हाँयग मरंग हातपात होड़ पउलूस कता लगाय ओवाय दो पउलूस सीड़हीरे चड़ाँनेनखन होड़कू एचेरे तिःईतेय अकियावतेडकुःआ। हँकुःआ होड़कू कलेकालयानकू दो हाँय हँकू एचेरे अँननकूराः इबरानी भासीरेय कताया,

एहुना 15:20

अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

मरकूस 1:14

तोनोंग दिन तयोमरे हरदोस राजा बतिसमा एमेयीग होड़ एहुना जहेलरेय एचे सींगगोतेडीग। हनते ईसू गलील छतर सेनेवाडखन भगवानराः नपाय सरवन होड़कू एचेरेय परसारगोतेड।

2 कुरिंती 2:12

ईंग तोरोवास सहररे मसीराः नपाय सरवन मुरुक बगरा होड़कू एचेरे परसारगे लगा परबू ईंगे संघरावातेरा।

2 कुरिंती 11:7

ईंग इनिंग हुडिंगकियानखन अपे मरंग बड़ाँवपे लगा अपे एचेरे भगवानराः नपाय सरवन कहिसाः अपे अते बेगर गोःतेयिंग परसारतेरा दो ईंग कसूरगोतेरा जा?

1 तिसलूनिका 2:8

अले अपे मुरुकले दुलारपेःआ अरू हनाते भगवानराः नपाय सरवनले कताया, हनमेला अलेराः जीव हों एमेवापे लगा हों सपड़ावतोले दोहोना।

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

1 पतरस 4:17

भगवानरिकुःआ होड़कू भगवान फड़ियावकूराः बेला सोदोरकिया। अरू फड़ियावगे लगा अँननबू अतेय बुँहड़ीगेता दो, भगवानराः नपाय सरवन मेरकू बिसवासगेता हँकुःआ होड़कूराः जीव करा इया होयाःता?