उदुःतो कताकून 9:5 - Korwa Bible

⁵ हँकुःआ होड़कू गोएग एंडाकू लगा कोवान, मनदो पाँच महिना वरी मुनुरुक कटसिया एमेवाकू लगा पंपाकू हातपाते ओवाडकुःआ। अरू हँकुःआ होड़कूराः कटसिया, लगड़ा चिडिंगराः दघात इया दोहोना।

उदुःतो कताकून 9:5 Referans Kwoze

उदुःतो कताकून 9:10

हँकूराः चड़रोम चिडिंगकूराः इया सुइ-सुइ दोहोना। अरू पाँच महिना वरी होड़कूके कटसिया एमे लगा हँकू एचेरे जंगर दोहोना।

उदुःतो कताकून 9:3

हनते हना सोकोल अते पंपाकू उडुंगनेना अरू ओतरेकू सितरावयान। हँकुःआ पंपाकू ओतरिकुःआ लगड़ा चिडिंगकू इया मुरुक लार दोहोना।

उदुःतो कताकून 13:7

भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।

उदुःतो कताकून 13:5

बड़वार बड़रा अरू भगवान बदीरे ओपता बड़रा कता लगा हाँयग जानर हातपाते पवावनेना, अरू हाँय बयालीस महिना वरी राइजगे लगा हों हातपाते पवावनेना।

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

एहुना 19:11

दो ईसू कता कुदातेरा, “भगवान आम हातपात मेरेय ओवाकेःमे दो ईंग एचेरे आमराः कही हातपात ओरो होयाकुःआ। हनालगा आम एचेरे ईंगे जिमाकेरा, हाँयग होड़राः कसूर मुरुक बगरा इदा।”