उदुःतो कताकून 8:10 - Korwa Bible

¹⁰ हनते पेय नमारीग बराहील अनँयग मरंग सोहनाईए ओंगतेरा दो, मुरी इया सलगाःआ हना मीटोंग मरंग इपील सेरमो अते लोजोरयान। हना इपील नईकून अरू दाः सूतीकूनराः पेय बंटाराः मी बंटारे लोजोरयान।

उदुःतो कताकून 8:10 Referans Kwoze

उदुःतो कताकून 16:4

हनते पेय नमारीग सेरमो देसरीग बराहील अनँयगराः डुभा नईकून अरू दाः सूतीकूनरेय दूलगोतेड, अरू हना दाः बलंगीयान।

उदुःतो कताकून 9:1

हनते पाँच नमारीग बराहील अनँयग मरंग सोहनाईए ओंगतेरा अरू ईंग सेरमो अते ओतरे मीटोंग इपील लोजोरनेना हना ईंग ञेलतेरा, अरू हाँयग इपील पतालपूरराः दुवारराः चाभीय पवावनेना।

उदुःतो कताकून 6:13

अरू घटाते लुवा जोःओ ओतरे लुजरुःता, हनन इया सेरमो अते ओतरे इपीलकू लोजोरयान।

उदुःतो कताकून 14:7

हाँय मुरुक सटीतेय कतातेरा, “भगवान जमाकू फड़ियावकू लगा बेला सोदोरयना। हनालगा अपे बोर घड़ीन हाँयपे मान मरजइत। सेरमो अरू ओत अरू समुंदर अरू दाः सूतीकूने तुलाकेरा, हाँयग भगवानपे जाग।”

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।

उदुःतो कताकून 1:20

आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

जूदा 1:13

हँकू समुंदरराः दाः उछलाःता हना हलका इयाकू दोहोनता, अरू हना पोतो हँकूराः गियुः बुता इया ञिलुःता। हँकू बेगर लूरतेकू सेनता हँकुःआ इपीलकू इया इदानकुःआ। अरू हँकुःआ होड़कू भगवान अनंदरा अंदरा पेंदारे सगर सइट वरीय एचे दोहोकूता।

लूका 10:18

दो ईसू हँकू एचेरेय कताया, “कलउ सेरमो अते बोंगा लोम उड़ी भगवान एचे कसड़गोतेडिया, हनायिंग ञेञेला।

मती ओजाःतेरा भगवानराः नपाय सरवन 25:1

“भगवानराः राइज अँनकूराः ढिबरीकून गोःकेडखन बरवा सुदा जुमाः लगाकू उडुंगनेना हँकुःआ दसगोटोंग धंगड़ीकू इया इदा।

उदुःतो कताकून 8:7

मड़ंगीग बराहील अनँयग सोहनाईए ओंगतेरा दो, बलंगीते मेसात अरील अरू सेंगेल, दाः झड़ियाव उयुःता इया ओतरे लोजोरनेना। हनमेला ओत अरू सींग दूबकून अरू जमा हड़ियड़ बीरकून पेय बंटारे मेमेड बंटा लो एंडायान।

उदुःतो कताकून 9:15

दो ननानाः बेला अरू दिन अरू महिना अरू बरिस लगा सपड़ाव दोहोतेडकुःआ हँकुःआ बराहीलकूय अड़ाःगोतेड। दो नुँहू हँकू पेय बंटारे मी बंटा चउंदीसरिकुःआ होड़कू ञेड गोएगकू लगाय अड़ाःगोतेडकुःआ।

उदुःतो कताकून 9:18

सेंगेल अरू सोकोल अरू लेटे दिरिराः गुंडाराः पेयगोटोंग हइजा हँकूराः आहते उडुंगनेनखन चउंदीसरिकुःआ पेय बंटारे मी बंटा होड़कू गोएग एंडागोतेडकू।