उदुःतो कताकून 7:10 - Korwa Bible

¹⁰ हँकू मुरुक सटी खिररी घड़ीनकू कताया, “गदीरेय दुड़ुःता अबूरीग भगवान, अरू भेड़ा होन हों होड़कूकिन सडावकूता!”

उदुःतो कताकून 7:10 Referans Kwoze

उदुःतो कताकून 19:1

हना तयोमरे सेरमो देसरे मुरुक बगरा होड़कूराः मुरुक सटी खिररीयिंग अयूमतेरा। हँकू कतातेरा, “हालेलुयाह! ने भगवान, आम सडावकेडबुःआ, जंगर अरू मान मरजइत पवाःयीग अनम हवे।

उदुःतो कताकून 12:10

हनते ईंग सेरमो देस अते मीटोंग मुरुक सटी अरोयिंग अयूमतेरा, “दिन रइत अबूरीग भगवान मड़ंगरे बिसवासी होड़कूय ओपताःआ हाँयग ओपता होड़, चउंदीसरेकू तेके लोजोरगोतेडिया। दो हना अते नुँहू अबूरीग भगवान होड़कू सडावगेराः बेला सोदोरयान, अरू हाँयराः जंगरते राइजगे लगाय बुँहड़ीकेरा, अरू भगवानरीग मसी हों हाँयराः हातपाते उदुःकेरा।

उदुःतो कताकून 22:3

हंडा सती-सरापतो तोनोंगाः ओरो दोहोनेना। मनदो भगवानराः अरू भेड़ा होनराः गदी हना सहररे दोहोनता, अरू हाँयरिकुःआ सेवकियाकू हाँयकू सेवाता।

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

उदुःतो कताकून 21:5

हनते गदीरे दुड़ुःतोय दोहोना हाँय ईंग एचेरेय कतातेरा, “ईंग जनामायिंग नँवागोडता।” हनते अरूय कतातेरा, “नाःआ सरवन जमाकून सताय अरू भरसागे इया इदा। हनालगा नाःआ ओजाःगेमे।”

लूका 3:6

अरू जमा होड़कू ञेलतकू भगवान होड़कू करा इयाय सडावकूता, हना।

उदुःतो कताकून 5:7

हनते हाँयग भेड़ा होन सेनेडखन गदीरेय दुड़ुःकुःआ हाँयराः खउना तिःई अते हना कागदे गोःयाड।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।

एहुना 4:22

अपे जागगेयतना, हाँय अपे समरिया छतररिकुःआ होड़कू मेरपे सुदीगेयता। मनदो सडावदार एहूदाकू अतेय वेगता। हनालगा अले जागगेयतना, हाँयले सुदीयतना।

एहुना 1:36

अरू ईसू हँकू मड़ंगरेय सेने पारयान दो एहुना ञेलतिडिगखने कताया, “ञेलेयबा, नाँय दो भगवारीग भेड़ा होन हवे।”