उदुःतो कताकून 5:10 - Korwa Bible

¹⁰ आम हँकू राजाकू अरू पुजउरीकूम बड़ाँवकेडकुःआ, जेमहा हँकू अबूरीग भगवानकू सेवा, अरू जमा चउंदीसरेकू राइजगे।”

उदुःतो कताकून 5:10 Referans Kwoze

उदुःतो कताकून 1:6

अरू हाँयरीग अपांग भगवानबू सेवागेय लगा राजाकू अरू पुजउरीकू इयाय बड़ाँवकेडबुःआ। दो होड़कू हाँय सगर सइटकू मान मरजइतगेय अरूकू जागगेय। आमीन!

उदुःतो कताकून 22:5

हंडा कहियो ओरो अयूबनेना। परबू भगवान हँकू मरसले एमेवाकूता। हनालगा हँकूके ढिबरी अरू बेर, मरसल एमे लगा ओरो दोहोनेना। अरू हँकुःआ सेवकियाकू सगर सइट लगा राजाकू इयाकू राइजगेता।

उदुःतो कताकून 20:6

मड़ंगरेकू जियाव रेमनेना हँकुःआ होड़कूराः जीव भगवान भल-भलायवातेडा अरू हँकू सुद इदानकुःआ। बार नमार गुजुःके हँकू जीवरे तोनोंगाः हातपात कोवानेःआ। हँकू भगवान अरू मसी लगा पुजउरीकू दोहोनता अरू मसी सुदा हजार बरिस वरीकू राइजगोड ञवनता।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।