उदुःतो कताकून 4:4 - Korwa Bible

⁴ हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

उदुःतो कताकून 4:4 Referans Kwoze

उदुःतो कताकून 11:16

हनते चूबीसगोटोंग मूक होड़कू भगवानराः मड़ंगरे अँननकू गदीरेकू दुड़ुःकुःआ, हँकू होरोनेनखन भगवानकू जागा।

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

उदुःतो कताकून 4:10

हनमेला गदीरेकू दुड़ुःता, हँकुःआ मी कुड़ी चइरगोटोंग मूक होड़कू, हँकू, सगर सइट लगा जिनियत इदानिया हाँय मड़ंगरे, अँननकूराः पगरीकू मंडावकेरा अरू तबेरकेडखनकू जागगेयता,

उदुःतो कताकून 7:11

अरू सेरमो देसरिकुःआ जमा बराहीलकू गदीराः अरू मूक होड़कूराः अरू चइरगोटोंग जीव-जंतूकूराः चइरो गतरकू चड़ाँकिया। हनते हँकू गदी मड़ंगरे तबेरकियानखन भगवान जाग घड़ीनकू

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

उदुःतो कताकून 5:14

हनते चइरो जीव-जंतूकू कतातेरा, “आमीन”, अरू हँकुःआ मूक होड़कू तबेरनेनखन हँकिनकू जागतेरा।

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)

लूका 22:30

जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

उदुःतो कताकून 19:4

हना तयोमरे मी कुड़ी चइर गोटोंग मूक होड़कू अरू चइरो जीव-जंतूकू, गदीरे दुड़ुःतोय दोहोना हाँयग भगवान मड़ंगरे होरोकियानखनकू जागतिरिया। हँकू कतातेरा, “आमीन! हालेलुयाह!”

उदुःतो कताकून 7:9

हनते ईंग मुरुक बगरा होड़कूयिंग ञेलतेरा। हँकू तोनोंगीग ओरोय गँड़ाव अवेकेकुःआ। हँकू जमा जइतरिकुःआ, अरू जमा गोतोररिकुःआ, अरू जमा राइजरिकुःआ, अरू जमा भासीरिकुःआ होड़कू दोहोना। हँकू उजड़ सोनहेकू तुसिंगतेरा अरू किताराः डइड़ साबतेडखन गदी अरू भेड़ा होन मड़ंगरेकू चड़ाँकुःआ।

उदुःतो कताकून 19:14

सेरमो देसरिकुःआ सइनाकू उजड़ सफा सान सोनहेकू तुसिंगकेरा अरू उजड़ उजड़ घोड़ाकू सेरमो दुडुःकियानखन हाँय तयोम तयोमकू सलाःतना।

उदुःतो कताकून 6:11

हनते हँकू जमाकू तुसिंगे लगा मेमेडटोंग मेमेडटोंग काट वरीःआ झोलोंग उजड़ सोनहे भगवान एमेवातेडकुःआ। अरू हँकूय कतावाड, “ईंगरिकुःआ सेवकियाकू अरू अपेरिकुःआ बिसवासी वपक बोपोहकूतापे अँननपे इयाकू ञेड एंडाकूता। हँकू जमाकू अरीनकू ञेड एंडाकू वरी अपे मी घड़ी अरूपे लोड़ोन।”

उदुःतो कताकून 9:7

हँकुःआ पंपाकू लड़ाइ लगा सपड़ावतो घोड़ाकू इयाकू ञिलुःआ। हँकूराः बोःरे सोनाराः पगरी इया दोहोना, अरू हँकूराः सुरइत होड़राः इया दोहोना।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।

उदुःतो कताकून 5:6

हनते हना गदी अरू चइरो जीव-जंतूकू अरू मूक होड़कू तलारे गेड ञेडतो इया मीटोंग भेड़ा होनिंग ञेलतेरा। हाँयराः सातगोटोंग देरेंग अरू सातगोटोंग मेड दोहोना। नाःआ सातगोटोंग मेड चउंदीसरे भगवान वारकेरा हना सातगोटोंग बिरुवा हवे।

उदुःतो कताकून 5:11

अरू ईंग ञेलतेरा दो हना गदीराः अरू हँकुःआ जानरकूराः अरू मूक होड़कूराः चइरो गतर सेरमो देसरिकुःआ मुरुक बराहीलकूराः अरोयिंग अयूमतेरा। हँकू लाक लाक अरू करोड़ करोड़कू दोहोना।

उदुःतो कताकून 14:3

हँकुःआ होड़कू गदीराः मड़ंगरे अरू चइरगोटोंग जानरकू अरू चूबीसगोटोंग मूक होड़कू मड़ंगरे मीटोंग नँवा सेरेंगकू सेरेंगा। भगवान चउंदीस अतेय सडावतेडकुःआ, हँकुःआ मी लाक चउवालीस हजार होड़कू एनेकला हना सेरेंगकू चेड अवेनेना।