उदुःतो कताकून 22:20 - Korwa Bible

²⁰ नाःआ कताकूनराः हिदइते एमेता हाँय कतायतना, “हाव, ईंग हनालियिंग कुदा वेगता।” “आमीन! हाव, परबू ईसू वेगमे।”

उदुःतो कताकून 22:20 Referans Kwoze

उदुःतो कताकून 22:7

दो ईसू कतातेरा, “अपे ईंगपे अयूम! ईंग हनालियिंग कुदा वेगता। नाःआ कागदरे ओजाःतो इदा हना जमा कतत सरवनकू मनाःता हँकुःआ होड़कू भगवान नपायकूता।”

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

उदुःतो कताकून 22:12

हनते ईसू अरूय कतातेरा, “अपे ईंगपे अयूम! ईंग हनालियिंग कुदा वेगता। अरू जमाकू अँनकूराः बुता इया बदला एमेवाकू लगा ईंग एचेरे इमान इदा।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

1 कुरिंती 16:22

तोनोंगीग परबू मेरेय अलार-दुलारगेय दो, हाँय सती-सरापतो इदानिया। ने अलेरीग परबू, वेनेगबाःकनमे।

उदुःतो कताकून 22:10

हनते हाँय ईंग एचेरेय कताया, “नाःआ कताकून होयाःराः बेला लेनेसान इदा। हनालगा नाःआ कागद कोंडोड़ रेडकेडखन मोहर अलोम लगावगे।

उदुःतो कताकून 1:2

भगवानराः सरवन अरू ईसू मसी उदुःवातेरिंगा हना जमाकूनिंग ञेलतेरा अरू हना कताकूनराः हिदइतदार इदानिंगा।

उदुःतो कताकून 22:18

ईंग एहुना, नाःआ कागदरे ओजाःतो इदा हना जमा कतत सरवनकू बछाःता हँकुःआ होड़कू सेताव घड़ीनिंग कतायतना, तोनोंगीग होड़ नाःआ कागदराः कतत सरवनरे अरूय मेसागे दो, नाःआ कागदरे ओजाःतो इदा हना जमा हइजाकून भगवान हनाँयग होड़े एचे सहावता।

एहुना 21:25

नाःआ कागदरे ओजाःतो अते अरू मुरुक बगरा बुताकून ईसू एचेतेरा। हना जमा मेमेडटोंग मेमेडटोंग ओजाःकेः दो, ईंग ओंगलेतना हना कागदकून नाःआ जमा चउंदीसरे हों ओरो सयोबकुःआ।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

इबरानी 10:37

भगवानराः कागदरे ओजाःतो इदा, “गुनहोन तयोमरे वेग लगा इदानिया हाँय वेगता, अरू हाँय ओरोय कुबेरतेरा।

उदुःतो कताकून 2:16

हनालगा अपे कसूर अते भगवान अगी जीवपे कुदा। निही दो, ईंग ओहेन अपे एचेरे वेगकियानखन हँकू सुदा ईंगराः आहराः तलवइरतेयिंग लड़ाःता।