उदुःतो कताकून 22:11 - Korwa Bible

¹¹ बेलूरकू एचेयता हँकुःआ होड़कू, बेनेलूरकू एचे ञवन, अरू मइलाल जीव होड़कू मनइलावकू दोहो ञवन, मनदो नपाय होड़कू ननपायकू एचे ञवन, अरू सुद होड़कू सुनुदकू दोहो ञवन।”

उदुःतो कताकून 22:11 Referans Kwoze

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 5:6

बेगर गारबार जीव जियाः लगा रंगेगतो अरू ततंगतो इदानकुःआ, हँकुःआ होड़कूराः जीव-जहन भगवान भलावाडखने नपायगेयता, अरू हँकुःआ होड़कू संतोक जुवाःता।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

मती ओजाःतेरा भगवानराः नपाय सरवन 25:10

दो हँकुःआ पाँचगोटोंग धंगड़ीकू सुनुम किजा लगाकू सेनेडा। हनमेला बरवा बियाह लगाय वेजेडा। अरू सपड़ावतोकू दोहोना हँकुःआ धंगड़ीकू हाँय सुदा बियाह भोजकू संजोड़ दोहोतेरा हना ओड़ाःरेकू बोलोयान। हनते हना ओड़ाःराः दुवार सेवकियाकू सींगगोतेडकू।

इपीसी 5:27

जेमहा कलसिया बेगर जोरोडते अरू बेगर कोकोड़ावते, सुघर बड़ाँवकेडखन सुद अरू बेगर गारबारते अनँयग लगाय सपड़ाव अवेय।

मती ओजाःतेरा भगवानराः नपाय सरवन 21:19

हनमेला दूर कुटीरे मीटोंग लुवा दूब ञेलतेडखन ईसू जोःओत इदा माःआनते हना लुवा सींग अगीय सेनेडा। मनदो हना सींगरे सकमतो एकला दोहोना। अरू हाँय हना लुवा सींग एचेरेय कतातेरा, “नुँहू वरीते आम कहियो ओरोम जोनेना।” दो हना लुवा दूब ओहेन झुरायान।

एहुना 8:21

हनते ईसू हँकू एचेरे अरूय कतातेड, “ईंग सलाव जुवाःतनिंग अरू अपे ईंगपे ञामता। ईंग सलाःतना हना अगी ओरोपे वेग अवेनेना अरू कनासूर कसूररेपे गोएग एंडा जुवाःता।”

उदुःतो कताकून 16:21

अरू मरंग मरंग अरील होड़कू सेरमो लोजोरनेना। हना अरील मेमेडटोंग पचास पचास किलो दोहोना। हना अरील मुरुक घान लुजरुःआ, हनालगा होड़कू भगवान मुरुककू सती-सरापगेया।

उदुःतो कताकून 22:3

हंडा सती-सरापतो तोनोंगाः ओरो दोहोनेना। मनदो भगवानराः अरू भेड़ा होनराः गदी हना सहररे दोहोनता, अरू हाँयरिकुःआ सेवकियाकू हाँयकू सेवाता।

कुलूसी 1:22

मनदो मसी मनुवा इयाय गोएगनेनते, भगवान अनँयग सुदा अपेय राजू नमागोतेडपेःआ, जेमहा हाँय अपे सुद अरू बेगर गारबारते अरू बेगर बदीते अनँयग मड़ंगरेय चड़ाँपे।

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।