उदुःतो कताकून 21:5 - Korwa Bible

⁵ हनते गदीरे दुड़ुःतोय दोहोना हाँय ईंग एचेरेय कतातेरा, “ईंग जनामायिंग नँवागोडता।” हनते अरूय कतातेरा, “नाःआ सरवन जमाकून सताय अरू भरसागे इया इदा। हनालगा नाःआ ओजाःगेमे।”

उदुःतो कताकून 21:5 Referans Kwoze

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

उदुःतो कताकून 19:9

हनते सेरमो देसरीग बराहील ईंग एचेरेय कतातेरा, “ओजाःगेमे। भेड़ा होनराः बियाह भोज जोम लगा टिवाकू पवावनेना हँकुःआ होड़कूराः जीव भगवान नपायगेता।” हनते हाँय अरूय कतातेरा, “नाःआ कताकून भगवानराः सताय कताकून हवे।”

उदुःतो कताकून 22:6

हनते हाँयग बराहील ईंगे कतावातेरा, “नाःआ कता बिसवासगेयीग अरू सनाताय इदा। परबू दरवाःआ हना कताकून अनँयगरिकुःआ सेवकियाकू एचेरेय एचे उदुःवाकू लगा अनँयगरीग बराहीले वारतेरा। ननाँय भगवान अनँयगराः बड़रा कता होड़कू एचेरे मड़ंगरेय कता उदुःतेरा।”

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

उदुःतो कताकून 4:2

हिनिन बितिकरे ईंग सुद बिरुवातेयिंग पेरेगयान, अरू सेरमो देसरे मीटोंग गदी अरू हना गदीरे मी होड़ दुड़ुःतोयिंग ञेलतिरिया।

उदुःतो कताकून 4:9

तलाराः गदीरेय दुड़ुःकिया हाँय सगर सइट लगा जिनियते दोहोनता। दो हँकू जीव-जंतूकू हाँयकू जागता, अरूकू मान मरजइतगेयता अरूकू धनियाबादगेयता,

उदुःतो कताकून 1:19

“दो हनालगा, आम ञेलकेरा हना, अरू नाःआ बेलारे होयाःतना हना, अरू होयाः लगा इदा, हनाम ओजाः दोहो।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

उदुःतो कताकून 5:1

हनते गदीरे दुड़ुःतोय दोहोना हाँयग भगवानराः खउना तिःईरे मीटोंग कोंडोड़तो कागदिंग ञेलतेरा। हना कागदराः बनर परोमरे ओजाःतो दोहोना। अरू हना कागदरे सात ततररे मोहर लगावतेडखन तोलतो दोहोना।

इबरानी 12:27

अरू मी तुरहा माःआने कताकेरा हना ननानाः उदुःता, झिकोड़ जुवाःता हना तुलात जिनिसकून टगाव एंडा जुवाःता, जेमहा मेर झिकोड़ अवेनता हना जिनिसकून दोनोहो जुवाः।

उदुःतो कताकून 22:19

अरू तोनोंगीग नाःआ कागद अते भगवानराः कतत सरवने चलाःगोड दो, नाःआ कागदरे ओजाःतो इदा हना सुद सहर अरू जीवराः सींगराः इताड भगवान ओरोय ओवातिरिया।

लूका 5:38

हनालगा नँवा रस नँवा बगलीरे सोसोलोंग इदा।