उदुःतो कताकून 21:21 - Korwa Bible

²¹ बारहो दुवारकून बारहगोटोंग मनारंग मुतीकूनते तुलात दोहोना। मेमेडटोंग दुवार मेमेडटोंग मुतीते तुलात दोहोना। अरू हना सहरराः संडक ञेल पुरुःता हना सिसा इया मुरुक नपायते गरावतो सोनाते तुलात दोहोना।

उदुःतो कताकून 21:21 Referans Kwoze

उदुःतो कताकून 21:18

हना हता एसब दिरिते तुलात दोहोना अरू हना सहर मुरुक नपायते गरावतो सोनाते तुलात दोहोना। अरू हना सोना ञेल पुरुःता सिसा इया दोहोना।

उदुःतो कताकून 17:4

हाँयग अइमी मी होड़ रानी इया धुः-धुमइल अरू लाल सोनहेय सोहेंकातेरा। हाँय सोना अरू मुती अरू मुरुक किमइतराः दिरिकूनराः तुलात सिंगारकूने तुसिंगकातेरा। हाँयराः तिःईरे सोनाराः मीटोंग डुभा दोहोना। हना डुभारे एरंगवाताकू हना जिनिसकून अरू हाँयग अइमीराः बेलूर बुताराः गरदाते पेरेगतो दोहोना।

उदुःतो कताकून 22:2

अरू हना नई, सहरराः मइद सनंडक तलाते तुःआ। अरू हना नईराः बनर परोम जीवराः सींग दोहोना। हना सींगरे बारह बरानाः जोःओ जोनेना। अरू हना सींग बारहो महिना मेमेडटोंग जोःओ जोःता। हना सींगराः सकमकून जमा जइत होड़कू अँकूराः हसूकूनते नपाय जुवाः लगा इदा।

उदुःतो कताकून 18:16

“ठीकयना, ठीकयना, ने मरंग सहर, अपे सान सोनहेपे तुसिंगतेरा, अरू धुः-धुमइल अरू लाल सोनहे अपे एचेरे दोहोना सोना अरू मुरुक किमइतराः दिरि, अरू मुतीकूनतेपे सिंगारनेना।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।

उदुःतो कताकून 21:15

ईंग सुदाय बुतुड़ुःआ हाँयग बराहील एचेरे मीटोंग सोनाराः नपा डांग दोहोना। हना डांगते हाँयके हना सहर अरू हना हता अरू सकड़ सकड़ दुवारकून नपा लगा दोहोना।