उदुःतो कताकून 2:9 - Korwa Bible

⁹ “अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

उदुःतो कताकून 2:9 Referans Kwoze

उदुःतो कताकून 3:9

अपे ईंगपे अयूम! अदोम होड़कू भगवानरिकुःआ होड़कू ना लवे। मनदो अँनकू लबराकियानखनकू कतनता, अले भगवानरिकुःआ होड़कू हवे, माःआन। हँकू कलउराः गउदारिकुःआ होड़कू हवे। ञेलपे, ईंग हँकू अपे मड़ंगरेयिंग अगुकूता अरू अपेराः काट कुटीरेकू उकुड़ोमगुःता। हनते हँकू सुदीगोडता, ईंग अपेयिंग दुलारता।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

रूमी 9:6

दो अपे ओंगलेतना, इसराएल होड़कू बदीरे भगवान अनँयग जबाने टड़ाव एंडागोतेडा जा? बुरी। इसराएल होड़कू अते मुरुक होड़कू सतायरे भगवानरिकुःआ होड़कू कोवाकुःआ।

2 कुरिंती 6:10

अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।

लूका 6:20

ईसू हनमेला अनँयग चेलाकू अगी ञेलवातेडखने कताया, “ने गरीब होड़कू, अपेराः जीव-जहन भगवान भलावाडखने नपायगेता। हनालगा भगवानराः राइज अँननपेराः हवे।

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

रूमी 5:3

ननानाः एकला लगा अबू मेरबू भल-भलायगुःता। अबू सुदीयतना, कटसियारे पारगुः मेला सहाव घड़ीनबू दोहोनता,

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

1 तिसलूनिका 3:4

मनाड़ंग अले अपे सुदा दोहोन मेला अपेले सेतावतेरा, कटसियारे अबूके सेनेन पार इदा, माःआन। अरू नुँहू अपे सुदीयतना हनन इया होयाकिया।

2 कुरिंती 8:2

हँकू मुरुक कटसियाकू सहाव पारतेरा अरू मुरुक गरीबकू दोहोना। हनारे हों हँकू मुरुक बनाहालते एटाः होड़कूकू संघरावाःआ।

रूमी 8:35

ईसू मसी अबूय दुलारता अरू हना दुलार अते तोनोंगाः एटाः अवेबूता जा? ओरो! तोनोंग इयाःआ कटसिया, सहे ओंगोल अदरुजी, सहे संताव, सहे ञेड गोएगबू लगा दिरुवा, सहे कतकाल, सहे ओयोन तुसिंग लगा हुडिंग-बगरा, नाःआ जमाकून हाँयराः हना दुलार अते अबू ओनोरो एटाः अवेतेडबुःआ।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”

लूका 22:65

हनन इया हँकू ईसू बदीरे अरू मुरुक ओपता बड़राकू कताःआ।

लूका 12:21

अनँयग लगा आन-धाने जुमावता हाँयग होड़ ननाँयग गिरहत होड़ इयाय दोहोनता। अरू ननन इयायीग होड़ भगवानराः मेडरे गिरहत मेरेय दोहोनता।”

रूमी 2:17

अपे अते तोनोंगीग होड़ ओंगलुःता, ईंग भगवानरीग होड़ हवे, अरू नियमरेयिंग भरसाता हाँयग एहूदा होड़ हवे,

मूक चेलाकू 26:11

अरू ईंग मीटोंग अरजी ओड़ाः अते एटाः अरजी ओड़ाः सेनेडखन हँकूयिंग संतावा अरू ईसूराः बदीरेयिंग एचे ओपताकुःआ। हँकू बदीरे ईंगराः रीस मुरुक दोहोना अरू हँकू संतावकू लगा एटाः एटाः राइजराः सहरकूनरे होयिंग सेनेडा।”

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मती ओजाःतेरा भगवानराः नपाय सरवन 4:10

दो ईसू हाँय एचेरेय कतातेड, “ने कलउ, ईंग अते ञीर जुवाःमे। भगवानराः कागदरे नाःआ इया ओजाःतो इदा, आमरीग परबू भगवानमे जाग अरू हनाँय एकलाम सेवा।”

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 2:24

मनदो थायतिरारिकुःआ एटाः होड़कू, अपे हाँयराः चेडतो मेरपे मनाःता। अरू हाँयरिकुःआ होड़कू कतायता, नाःआ चेडतो कलउराः ओकोत कताकून हवे, हना कताकून बदीरे अपे मेरपे सुदीयतना। दो अपे ईंगपे अयूम। अपे एचेरे ईंग नाःआ अते एटाः तोनोंगाः बोझा ओरोयिंग एमेतेरा।