उदुःतो कताकून 2:5 - Korwa Bible

⁵ हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

उदुःतो कताकून 2:5 Referans Kwoze

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।

उदुःतो कताकून 2:16

हनालगा अपे कसूर अते भगवान अगी जीवपे कुदा। निही दो, ईंग ओहेन अपे एचेरे वेगकियानखन हँकू सुदा ईंगराः आहराः तलवइरतेयिंग लड़ाःता।

उदुःतो कताकून 2:19

“ईंग अपेराः बुता, बिसवास अरू सेवायिंग सुसुदीतना। अपे एटाःकू सुदा करा इया अलार-दुलाररे अरू सहाव घड़ीनपे दोहोनता, हना होयिंग सुसुदीतना। अरू नुँहू अपे मड़ंग अते, अरू बगरा नपाय बुतापे बुतातना।

उदुःतो कताकून 1:20

आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

लूका 1:17

हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

मरकूस 12:9

हनते ईसू होंबोरतेड, “अपे चेले माःआनपे ओंगलेता, अंगूर बगइचारीग मालिक हँकू करा इयाय करेगकूता? हाँय वेगकियानखन अधियादारकूय ञेड एंडाकूता अरू हना अंगूर बगइचा एटाः होड़कूय ओवागोडकूता।

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।

गलातिया 5:4

मोसेसराः नियमकून मनावकेडखन भगवानराः ओंगोलरे बेगर गारबार होड़ बड़ाँः लगाय ओंगलेतना, हाँयग होड़ ईसू मसी अतेय हिगारयना अरू भगवानराः मयाय आड-बेकारवारा।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

इबरानी 10:32

अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

उदुःतो कताकून 16:9

हँकू हना सेंगेलरे मुरुककू भुरटावयान दो हँकू, हइजाकून एचेरे हातपात दोहोना हाँयग भगवानकू सती-सरापा। अरू तोनोंगीग अँनकूराः कसूर अते भगवान अगी जीव मेरकू कुदागाड अरू हाँय मेरकू मान मरजइतगडीग।

मती ओजाःतेरा भगवानराः नपाय सरवन 5:14

अपे नाःआ चउंदीसराः मरसल हवे। पहाड़ चोटरे दोहोनता हना सहर मेर ओकोनता।

मती ओजाःतेरा भगवानराः नपाय सरवन 5:15

हनन इया तोनोंगीग होड़ ढिबरी सलगावकेडखन टुकुनूते ओरोय दाब ओकोतेरा, मनदो भीट सेरमोरेय मंडावगोडता अरू ओड़ाः पेंदारेकू दोहोनता हँकुःआ जमा होड़कू मरसलकू पवाःता।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।