उदुःतो कताकून 19:8 - Korwa Bible

⁸ सफा अरू फिटीक सान सोनहे तुसिंग लगा कनिया पवावनेना।” अरू हना सफा अरू फिटीक सान सोनहे भगवानरिकुःआ सुद होड़कूराः नपाय बुता हवे।

उदुःतो कताकून 19:8 Referans Kwoze

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

मरकूस 9:3

चउंदीसरे नाःआ इया तोनोंगीग धुबिया सोनहे ओरोय बुहाल अवेतेरा हना इया हाँयराः सोनहे फक-फक उजड़यान।

मती ओजाःतेरा भगवानराः नपाय सरवन 22:12

दो राजा हाँयग होड़ एचेरेय होंबोरतेड, ने सउंगता, आम बियाहराः सोनहे मेरेम तुसिंगगरा अरू करा उड़ी नंडाम बोलोकिया? दो हाँयग होड़ तोनोंग माःआन मेरेय कता कुदा अवेगाड।

उदुःतो कताकून 15:4

ने परबू, इये आम सुदा ओरोय बोरोनेना, अरू आमराः ञाव इये ओरोय जागतेरा? अनम एकला सुद इदानमेःआ। आमराः जमा नपाय बुता होड़कू सुदीगोतेरा, हनालगा जमा जइत होड़कू वेगकियानखन आमकू जागता।”

मूक चेलाकू 1:10

ईसू सेरमो देस अगीय सेनेन मेला मूक चेलाकू तिंगीड घड़ीनकू संगीलेःआ दो असाका उजड़ सोनहे तुसिंगतो बार होड़ होड़किन हँकू एचेरेकिन चड़ाँयान।

लूका 24:4

हँकुःआ अइमीकू बोरोनेनखनकू बयावयान। दो हनमेला असाका, टेडेगतो सोनहे तुसिंगतो बार होड़ होड़किन हँकू मड़ंगरेकिन चड़ाँयान।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

उदुःतो कताकून 15:6

अरू हना ओड़ाः अते सातगोटोंग बराहीलकू उडुंगयना। हँकू एचेरे सातगोटोंग हइजा दोहोना। हँकू सफा फिटीक उजड़ सोनहेकू तुसिंगकातेरा। अरू हँकूराः कुड़ोमरे सोनाराः पंछा तगात दोहोना।

उदुःतो कताकून 19:14

सेरमो देसरिकुःआ सइनाकू उजड़ सफा सान सोनहेकू तुसिंगकेरा अरू उजड़ उजड़ घोड़ाकू सेरमो दुडुःकियानखन हाँय तयोम तयोमकू सलाःतना।