उदुःतो कताकून 19:5 - Korwa Bible

⁵ हनते गदी अते मीटोंग अरोयिंग अयूमतेरा, “ने जमा सेवकियाकू, अबूरीग भगवानपे जाग। ने हुडिंग होड़कू अरू मरंग होड़कू, अपे जमाकू हाँयराः अकूसपे मनाः।”

उदुःतो कताकून 19:5 Referans Kwoze

उदुःतो कताकून 7:15

हनालगा, “नँकू भगवानराः गदी मड़ंगरे इदानकुःआ, अरू हाँयराः ओड़ाःरे दिन रइत हाँयकू सेवाता, अरू गदीरे दुड़ुःतो इदानिया हाँय, हँकूय संभाड़ता

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।

उदुःतो कताकून 16:17

सात नमारीग सेरमो देसरीग बराहील अनँयगराः डुभा होयरेय दूलगोतेड। दो भगवानराः ओड़ाःराः गदी अते मीटोंग मुरुक सटी अरोयिंग अयूमतेरा, “होनोयायना!”

उदुःतो कताकून 13:16

हाँय जमा होड़कूराः खउना तिःईरे सहे समांगरे मेमेडटोंग चिनहा लगावगे लगाय रेनहातेडकुःआ। मरंग होड़कू अरू हुडिंग होड़कू, गिरहत होड़कू अरू गरीब होड़कू, सेवकियाकू अरू मालिकूतुकू, हँकू जमाकू हना चिनहा गोःगो पराःता।

उदुःतो कताकून 19:18

अपे राजाकूराः मास, अरू मरंग सइना होड़कूराः मास, अरू जंगरदार होड़कूराः मास, अरू घोड़ाकूराः मास, अरू घोड़ा सलावदारकूराः मास, अरू सेवकियाकूराः मास, अरू मालिकूताकूराः मास, अरू हुडिंग होड़कू अरू मरंग होड़कू, जमा होड़कूराः मास जोजोम लगापे वेग जुमाः।”