उदुःतो कताकून 19:20 - Korwa Bible

²⁰ मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 19:20 Referans Kwoze

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 17:12

दसगोटोंग देरेंगमे ञेलतेरा, हान दसगोटोंग राजाकू हवे। हँकू नुँहू वरी राइजगेराः हातपात मेरकू पवावगान। हँकू हाँयग जानर सुदा राइजगेराः हातपात मी घंटा लगाकू पवाःता।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।

उदुःतो कताकून 19:19

हनते हाँयग जानर अरू चउंदीसरिकुःआ राजाकू अरू अँकूरिकुःआ सइनाकू मिनीरे जुमावतो ईंग ञेलतेडकुःआ। हँकू उजड़ घोड़ा चोटरे दुड़ुःतो होड़ अरू हाँयरिकुःआ सइनाकू सुदा लड़ाइ लगाकू जुमावनेना।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

उदुःतो कताकून 9:17

ईंग दरसनरे नाःआ इयायिंग ञेलतेरा; घोड़ा सलावदारकू झिलमकू तुसिंगतेरा। हँकूराः झिलमराः रंग सेंगेल इया लाल रंग, अरू दूमराकांत दिरि इया नीला रंग, अरू लेटे दिरि इया पियाड़ रंग दोहोना। हँकुःआ घोड़ाकूराः बोः कूलकूराः बोः इया दोहोना अरू हँकूराः आह अते सेंगेल, सोकोल अरू लेटे दिरिराः गुंडा उडुंगगुःआ।