उदुःतो कताकून 18:20 - Korwa Bible

²⁰ ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 18:20 Referans Kwoze

उदुःतो कताकून 6:10

हँकू खिररी घड़ीनकू कताया, “ने अगम मरंगीग परबू, आम सुद अरू सताय इदानमेःआ। अलेकू ञेड एंडाकेरा चउंदीसरिकुःआ हँकुःआ होड़कू, फड़ियावकेडखन अलेराः बलंगीराः बदला कुदाय लगा चिला लगाम कुबेरगेतना?”

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

जूदा 1:17

मनदो ईंग अजी बोपोहकूतिंग, अबूरीग परबू ईसू मसीरिकुःआ मूक चेलाकू, मड़ंगरेकू कता उदुःतेरा हना कतापे उहियारगोड ञवन।

2 पतरस 3:2

भगवानराः बड़रा कता होड़कू मड़ंगरेकू कतातेरा हना कता, अरू अबूरीग परबू अरू सडावदार ईसू अपे एचेरेय वारतेडकुःआ हँकुःआ मूक चेलाकूतेय एमेकेरा, हनानाः हुकुमपे उहियारगोड ञवन।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

इपीसी 3:5

भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

उदुःतो कताकून 18:6

हँकू एटाःकू सुदाकू एचेकेरा हनन इया हँकू सुदापे एचेय, अरू बार गुना बदलापे कुदागोड।