उदुःतो कताकून 17:5 - Korwa Bible

⁵ अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 17:5 Referans Kwoze

उदुःतो कताकून 14:8

हनते बार नमारीग सेरमो देसरीग बराहील हाँय तयोमते वेजेडखने कताया, “लाययना, लाययना। मरंग सहर बाबील लाययान। नाःआ सहर मी होड़ सनही अइमी इया जमा जइत होड़कू अनँयगराः कोसोड़ाय एचे ञूतेडकुःआ अरू बेलूर बुताय एचे बुतातेडकुःआ।”

उदुःतो कताकून 18:2

हाँय मुरुक सटी खिररीनेनखने कतातेरा, “लाययना, लाययना, मरंग सहर बाबील लाययना, हना भूतकूराः ओड़ाः बड़ाँवयना, जमा बरानाः बेलूर दरहाकूराः थान, बेलूर अरू एरंगवाकूताकू हँकुःआ जमा बरानाः तितीगकूराः बथान बड़ाँवयना।

उदुःतो कताकून 17:7

हनते हाँयग बराहील ईंग एचेरेय होंबोरतेरा, “आम चिला लगाम बयावयना? सातगोटोंग बोः अरू दसगोटोंग देरेंग इदा हाँयग जानर बदीराः अरू, हाँय चोटरे दुड़ुःतो इदानिया हाँयग अइमी बदीराः ओकोत कता, ईंग एचे बुझावगोडमेता।

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”

उदुःतो कताकून 16:19

हना ओत डोलाःते मरंग सहर बाबील पेय फड़ायान, अरू एटाः एटाः राइजकूनराः सहरकून वाः बोलोयान। हनन इया भगवान मरंग सहर बाबीलरिकुःआ होड़कू आँयगराः रीसराः डुभाय एचे ञूतेडकुःआ।

2 तिसलूनिका 2:7

नुँहू वरी होड़कू सोटो बोटो होड़ेंगतनाकू अरू हँकू भगवान मेरकू मनवेयतना। रोरोंकावीग दोहोन वरी हाँयग रबूद होड़ रोनोंकावतोय दोहोनता। मनदो रोरोंकावीग चलाः जुवाः दो,

उदुःतो कताकून 18:21

हनते मीटोंग मुरुक जंगरदार बराहील मीटोंग मरंग दिरिय रेमतेरा अरू समुंदरेय तेके बोलोगोतेड। अरू हाँय कतातेड, “ननन इयाःआ जंगरते मरंग सहर बाबील रेमगे एंडानता, अरू हना सहर कहियो ओरो दोहोनेना।

उदुःतो कताकून 11:8

हँकिनराः मुरदा हना मरंग सहरराः संडकरे तेके एंडात दोहोनता। हना सहररे मड़ंग अँकिनरीग परबू कुरूसरेकू ठोंकावतिरिया। अउल-तउल इया हना बेलूर सहरराः ञाव सदोम सहर अरू मिसिरी देस माःआनकू कतावाता।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

उदुःतो कताकून 7:3

“अबूरीग भगवानरिकुःआ सेवकियाकूराः समांगरे मोहर अरीनबू लगावगे वरी, ओत अरू समुंदर अरू सींगकून अहापे लायगे।”

उदुःतो कताकून 1:20

आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

उदुःतो कताकून 17:1

डुभाकू साबतेरा हँकुःआ सातगोटोंग सेरमो देसरिकुःआ बराहीलकू अते मी होड़ बराहील ईंग एचेरे वेजेडखने कताया, “दूमे, मुरुक ततेरराः दाःरेय दुड़ुःकिया हाँयग मरंग सनही अइमी, करा इया भगवान फड़ियावगेयता, हना आमिंग उदुःवाता।

उदुःतो कताकून 17:2

हाँय सुदा चउंदीसरिकुःआ राजाकू सनहानेना अरू चउंदीसरिकुःआ होड़कू हाँयराः सनहा-सनही बुतातेकू गोड़ावयान।”