उदुःतो कताकून 16:15 - Korwa Bible

¹⁵ “अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”

उदुःतो कताकून 16:15 Referans Kwoze

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

2 पतरस 3:10

अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

2 कुरिंती 5:3

अरू अबू हना देहबू पवाव जुवाः अते, बेगर धउरते अबूराः बिरुवा ओरो दोहोनेना।

मरकूस 14:38

जगलेम दोहोन अरू भगवान एचेरे अरजीगोड ञवनमे, जेमहा आम तोनोंग इयाःआ अंदजावरे अलोम पराः। जीव बिरुवा सपड़ावतो इदा, मनदो नाःआ देह जंगर कुड़ही इदा।”

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

मती ओजाःतेरा भगवानराः नपाय सरवन 26:41

जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 तिसलूनिका 5:4

मनदो ईंग अजी बोपोहकूतिंग, अपे अंदरा अरू रइतरिकुःआ होड़कू कोवापेःआ। हनालगा इनिग होड़ वेगतान मेला होड़कू बयाव जुवाःता हना इया परबू ईसू कुदा वेग मेला अपे ओरोपे बयावनेना।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।

उदुःतो कताकून 22:7

दो ईसू कतातेरा, “अपे ईंगपे अयूम! ईंग हनालियिंग कुदा वेगता। नाःआ कागदरे ओजाःतो इदा हना जमा कतत सरवनकू मनाःता हँकुःआ होड़कू भगवान नपायकूता।”