उदुःतो कताकून 16:10 - Korwa Bible

¹⁰ हनते पाँच नमारीग सेरमो देसरीग बराहील अनँयगराः डुभा, हाँयग जानरराः गदीरेय दूलगोतेड। दो हाँयराः राइजरे भीट भीट अंदरायान अरू होड़कू मुरुक पीराते अँनकूराः अलंगकू हवाः लेंडेगा।

उदुःतो कताकून 16:10 Referans Kwoze

उदुःतो कताकून 9:2

हाँय हना दुवारे गीगतेरा दो, हना डोडहाते भटा अते उडुंगगुःता हना सोकोल इया सोकोल उडुंगनेना। अरू हना सोकोलते बेर अरू सेरमो कड़ियायान।

मती ओजाःतेरा भगवानराः नपाय सरवन 8:12

मनदो राइजरिकुःआ होड़कू हंडा ओरोकू बोलो अवेतेरा। भगवान हँकू बहरी अंदरारेय एचे ढोकलावगोडकूता अरूकू इयामता अरू तिरिंग रेटेग-रेटेगकू कड़रावता।”

उदुःतो कताकून 18:23

अरू ढिबरीराः मरसल आम एचेरे कहियो ओरो विड़चेड़नेना। अरू कनिया अरू बारराः ओरो कहियो ओरोकू अयूमतेरा। आमरिकुःआ फेरवइत होड़कू चउंदीसरिकुःआ मरंग होड़कू दोहोना अरू आमराः पंगनाहा अते चउंदीसरिकुःआ जमा होड़कू बहकावयान।

उदुःतो कताकून 17:17

हँकुःआ राजाकू मिनी ओंगोलते दोहोन लगा अरू अँनकूराः हातपात जानर एचेरेकू जिमाय लगा भनगवान हमा हँकू जीवरे हना ओंगोले सोलोंगगोतेड। अरू भगवानराः जमा कतत बड़रा अरीन होयाः वरी नाःआ इयाकू एचेगोड ञवनता।

मती ओजाःतेरा भगवानराः नपाय सरवन 22:13

हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।

उदुःतो कताकून 18:21

हनते मीटोंग मुरुक जंगरदार बराहील मीटोंग मरंग दिरिय रेमतेरा अरू समुंदरेय तेके बोलोगोतेड। अरू हाँय कतातेड, “ननन इयाःआ जंगरते मरंग सहर बाबील रेमगे एंडानता, अरू हना सहर कहियो ओरो दोहोनेना।

लूका 13:28

अपे, अपेरिकुःआ खुटिपरिया होड़कू इबराहीम अरू इसहाक अरू एकूब अरू जमा भगवानराः बड़रा कता होड़कू भगवानराः राइजरे दुड़ुःतोपे ञेलकूता अरू भगवान अँननपे बहरीय एचे उडुंग एंडागोडपेता,

मती ओजाःतेरा भगवानराः नपाय सरवन 24:51

अरू मालिक हाँयग सेवकिया होड़ मुरुक डंडियावकिडिगखन पचघुचिया होड़कू सुदाय वार एंडागोडेयता। अरू हना ततेररे होड़कू इयाम घड़ीन तिरिंगकू कड़रावता।”

उदुःतो कताकून 17:9

नाःआ सुदीगे लगा अपेके कनहूनदारकू बड़ाँः लगा इदा। सातगोटोंग बोःरे हाँयग अइमी दुड़ुःकिया हान सातगोटोंग पहाड़कून हवे।

मती ओजाःतेरा भगवानराः नपाय सरवन 13:50

अरू हँकुःआ कसूर होड़कू हितकाःतो सेंगेलरेकू तेके बोलोगोडकूता। हँकूके हंडा तिरिंग रेटेग-रेटेग कड़राव घड़ीन इयाम पराःता।”

मती ओजाःतेरा भगवानराः नपाय सरवन 13:42

अरू हँकू नरगराः सेंगेलरेकू तेके बोलोकूता। हना ततेररे होड़कू मुरुक इयाम घड़ीन रेटेग-रेटेग तिरिंगकू कड़रावता।

उदुःतो कताकून 18:2

हाँय मुरुक सटी खिररीनेनखने कतातेरा, “लाययना, लाययना, मरंग सहर बाबील लाययना, हना भूतकूराः ओड़ाः बड़ाँवयना, जमा बरानाः बेलूर दरहाकूराः थान, बेलूर अरू एरंगवाकूताकू हँकुःआ जमा बरानाः तितीगकूराः बथान बड़ाँवयना।

उदुःतो कताकून 11:10

चउंदीसरिकुःआ जमा होड़कू हँकिन गुजुः अते मुरुककू बहाल जुवाःता अरूकू सून सेरेंगता। नँकिना भगवानराः बड़रा कता होड़किन चउंदीसरिकुःआ होड़कू मुरुककिन सिकिसतातेडकुःआ। हनालगा हँकू नपाय नपाय जिनिसकून बहालतेकू एमे होड़ेंगता।

उदुःतो कताकून 11:8

हँकिनराः मुरदा हना मरंग सहरराः संडकरे तेके एंडात दोहोनता। हना सहररे मड़ंग अँकिनरीग परबू कुरूसरेकू ठोंकावतिरिया। अउल-तउल इया हना बेलूर सहरराः ञाव सदोम सहर अरू मिसिरी देस माःआनकू कतावाता।

उदुःतो कताकून 11:2

मनदो भगवानराः ओड़ाःराः राचमे अड़ाः। हना राच बेगर एहूदाकू लगा जिमात इदा। हँकू भगवानराः सुद सहर, साड़हे पेय बरिस वरीकू चोड पारता।

1 पतरस 2:17

जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

उदुःतो कताकून 8:12

हनते चइर नमारीग बराहील अनँयग मरंग सोहनाईए ओंगतेरा दो, बेर, बांगो अरू इपीलकू पेय बंटारे मी बंटा अंदरायान। हनालगा दिनरे चइर घंटा अंदरायान अरू हनन इया रइतरे हों चइर घंटा भीट भीट अंदरायान।