उदुःतो कताकून 16:1 - Korwa Bible

¹ हनते ईंग भगवानराः ओड़ाः अते सातगोटोंग सेरमो देसरिकुःआ बराहीलकू एचेरे तोनोंगीग कतातिंग अयूमतेरा, “दूपे, अरू भगवानराः रीसराः सातगोटोंग डुभाकून ओतरेपे दूलगोड।”

उदुःतो कताकून 16:1 Referans Kwoze

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 16:17

सात नमारीग सेरमो देसरीग बराहील अनँयगराः डुभा होयरेय दूलगोतेड। दो भगवानराः ओड़ाःराः गदी अते मीटोंग मुरुक सटी अरोयिंग अयूमतेरा, “होनोयायना!”

उदुःतो कताकून 14:18

हना तयोमरे अरू मीटोंग एटाःयीग सेरमो देसरीग बराहील धाम अगीतेय वेजेडा। हाँयके सेंगेल एचेरे हातपात दोहोना। हाँय दतरोमे साबतेरा हाँयग बराहील एचेरे मुरुक सटीय कतातेरा, “चउंदीसराः अंगूर जमाकून दो बेलेयना। हनालगा आमराः लसेर दतरोमतेम ईर।”

उदुःतो कताकून 14:15

हनते भगवानराः ओड़ाः अते मीटोंग सेरमो देसरीग बराहील उडुंगनेनखन, बदरीरेय दुड़ुःकिया हाँय एचेरे मुरुक सटीतेय कतातेरा, “चउंदीसराः सरा बेलेयना अरू इईरराः बेला सोदोरयना। हनालगा आम दतरोमते ईरमे।”

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।